بۇل تۋرالى وقۋ-اعارتۋ مينيسترلىگى حابارلادى.
رەسپۋبليكالىق عىلىمي-پەداگوگيكالىق كىتاپحانادا "بالالار كىتاپحاناسى" باعدارلاماسىنا ۇسىنىلاتىن كىتاپتاردىڭ ءتىزىمى جاساقتالدى، دەپ حابارلايدى Almaty-akshamy.kz
وعان قازاق ادەبيەتى تاريحىنىڭ بارلىق ءداۋىرى مەن كەزەڭىن، جانرلىق باعىتىن قامتيتىن 1770 شىعارما ەندى. ونىڭ 76%-ى وتاندىق، 24%-ى – الەم ادەبيەتتىڭ تاڭداۋلى ەڭبەكتەرى.
ءتىزىمدى جاساقتاۋ ءۇشىن ارنايى قۇرىلعان كوميسسيا قازاق ءتىلى مەن ادەبيەتى ءپانى وقىتۋشىلارى، مەكتەپ كىتاپحاناشىلارى اراسىندا جۇرگىزىلگەن ساۋالناما ناتيجەلەرىن ەسكەردى.
"بالالار كىتاپحاناسى" باعدارلاماسىنا ۇسىنىلاتىن كىتاپتاردىڭ ءتىزىمىن جاساقتاۋ ءۇشىن ارنايى تاۋەلسىز قوعامدىق كوميسسيا بىرنەشە كەزەڭ بويىنشا تالقىلاۋلار جۇرگىزىپ، بارلىق جانرلىق باعىتتاردى قامتىدى. جاساقتالعان ءتىزىمنىڭ 40%-ى – كونە كلاسسيكالىق ادەبيەت، 30%-ى "تاۋەلسىزدىك كەزەڭىندەگى ادەبيەت"، 24%-ى الەمدىك ادەبيەتتىڭ ۇزدىك ۇلگىلەرىنەن تۇرادى"، - دەدى رەسپۋبليكالىق عىلىمي-پەداگوگيكالىق كىتاپحانا ديرەكتورى ءاليا سايدەمبايەۆا.
باعدارلامانىڭ باستى ماقساتى – مەكتەپ كىتاپحانالارىن ماڭىزدى بالالار ادەبيەتىمەن قامتاماسىز ەتۋ.
مينيسترلىكتىڭ مالىمەتىنشە، قازىرگى كۇنى مەكتەپتەردەگى بالالار ادەيبەتىنىڭ قورى 40 ميلليونعا جۋىق. ەلەكتروندىق مەملەكەتتىك كىتاپحانا قورىنىڭ كاتالوگىنا 150 جازۋشىنىڭ ەڭبەگى ەنگىزىلدى.
ايتا كەتۋ كەرەك، پرەزيدەنت قاسىم-جومارت توقايەۆ تۇركىستاندا وتكەن ۇلتتىق قۇرىلتايدا "بالالار كىتاپحاناسى" اتتى جاڭا باعدارلامانى جۇزەگە اسىرۋدى تاپسىرعان بولاتىن.