بالالاردى كىتاپ وقۋعا باۋلۋ
بيىلعى جىل پرەزيدەنت جارلىعىمەن "بالالار جىلى" بولىپ جاريالاندى. ءارى ءساۋىر ايىنىڭ باسىندا حالىقارالىق بالالار كىتابى كۇنى اتاپ وتىلەدى. وسى كۇنگە ورايلاستىرىلىپ نۇر-سۇلتان قالاسىنداعى "ورتالىقتاندىرىلعان كىتاپحانالار جۇيەسى" مەكەمەسى كىتاپ وقۋ مەرەكەسىن وتكىزدى، دەپ حابارلايدى Almaty-akshamy.kz
بۇل شاراعا قازاقستان جازۋشىلار وداعى نۇر-سۇلتان قالالىق فيليالىنىڭ ديرەكتورى، اقىن داۋلەتكەرەي كاپ ۇلى، بەلگىلى قالامگەرلەر بايانعالي ءالىمجان، تولىمبەك ءابدىرايىم، جاكي جاكەن ۇلى، نۇرلان قالقا، جاس جازۋشىلار زاۋرە تورەحان، دينا وراز، ۇستاز روزا ەسەنبايەۆا، ت.ب. قاتىستى.
كىتاپحانا قىزمەتكەرلەرى ۇيىمداستىرعان ءىس-شارادا وقۋشىلار شىعارماشىلىعىنا كوڭىل ءبولىندى. وقۋشىلار، ۇستازدار، وقىرماندار، بالالار ادەبيەتىنىڭ وكىلدەرى باس قوسقان القالى جيىندا كوكەيكەستى ماسەلەلەر دە قوزعالدى.