اتىراۋدا 13 شىلدەدە بالالار حلوردان جاپپاي ۋلاندى. بۇل ىسكە بايلانىستى Palma اكۆاپاركىنىڭ باسشىسى ۇستالدى، - دەپ جازادى اqshamnews.kz اtyrau Online سايتىنا سىلتەمە جاساپ.
اتىراۋدىڭ مامانداندىرىلعان تەرگەۋ سوتىنىڭ قاۋلىسىمەن كۇدىكتىگە قاتىستى ءۇيقاماق تۇرىندەگى بۇلتارتپاۋ شاراسى تاعايىندالدى.
ەسكە سالايىق، توتەنشە جاعداي اتىراۋداعى تانىمال دەمالىس ورىندارىنىڭ بىرىندە بولعان. 14 بالا مەديسينالىق كومەككە جۇگىنىپ، ولاردىڭ ۇشەۋى وبلىستىق جانە بالالار اۋرۋحانالارىنا جاتقىزىلعان.
ءۇش بالانىڭ جاعدايى اۋىر بولىپ، ولار جانساقتاۋ بولىمىنە ءتۇستى.
كۋاگەرلەردىڭ ايتۋىنشا، باسسەين ىشىندە كەنەت حلوردىڭ ءيىسى كۇشەيىپ، سۋ ءتۇسى وزگەرگەن. بالالار جوتەلىپ، ەسىنەن تانىپ قۇلاي باستاعان. اتا-انالار بالالارىن شۇعىل ەۆاكۋاسيالاپ، جەدەل جاردەم شاقىرعان.
الدىن الا بولجام بويىنشا، وقيعاعا حلورلى زاتتاردى مولشەردەن تىس قوسۋ سەبەپ بولعان. باسسەين يەلەرى سۋ تازارتۋ جۇيەسىندە اقاۋ بولعانىن مويىندادى. ءقازىر نىسان جابىلىپ، تجد مەن پروكۋراتۋرا تەكسەرىس جۇرگىزىپ جاتىر.