قازاقستان جۇرتشىلىعىنا الەۋمەتتىك جەلى ارقىلى جاقسى تانىمال دارىگەر جانە تەلەجۇرگىزۋشى ەۆگەنيي كوماروۆسكيي «دەلتا» كوروناۆيرۋس شتامىنىڭ ءقاۋىپتى ەرەكشەلىگىن اتادى.
ول ءوزىنىڭ Instagram-داعى اككاۋنتىندا وسى تاقىرىپتا پوست جاريالادى، دەپ حابارلايدى Almaty-akshamy.kz
دارىگەر «دەلتا» شتامىنىڭ باسقا مۋتاسيالاردان ايىرماشىلىعى ونىڭ از ينفەكسيالىق دوزادا اۋرۋ تۋدىراتىنى دەپ مالىمدەدى.
كوماروۆسكيي: «تەوريالىق تۇرعىدان، اۋرۋدىڭ پايدا بولۋى ءۇشىن ۆيرۋستىق بولشەكتەردىڭ از بولۋى قاجەت بولعاندىقتان، «دەلتا» اۋرۋدىڭ اۋىر ءتۇرىن تۋدىرۋى مۇمكىن»، - دەپ جازدى.
تەلەجۇرگىزۋشىنىڭ ايتۋىنشا، بۇگىندە بۇل شتامم كامەلەتكە تولماعاندارعا ۇلكەن ءقاۋىپ توندىرەدى دەگەن ناقتىلانعان اقپارات جوق.
كوماروۆسكيي بالالاردى شتامنان قورعاۋدىڭ ناقتى قۇرالدارى جوق ەكەنىن باسا ايتتى. دارىگەر اتا-انالارعا پاتەردى ۇنەمى جەلدەتىپ، ادامدار كوپ شوعىرلاناتىن ورىنداردان اۋلاق بولۋ كەرەكتىگىن ەسكەرتتى.