بالالار اراسىندا كوكجوتەل كوبەيگەن

14 جاسقا دەيىنگى 392 بالا كوكجوتەلمەن اۋىرعان.

ونىڭ 90%-دان استامى 5 جاسقا دەيىنگى بالالار اراسىندا بايقالدى، دەپ حابارلايدى Almaty-akshamy.kz

«كوكجوتەل جاعدايدارىنىڭ كوبەيۋى ۇجىمدىق يممۋنيتەتتىڭ تومەندەۋىمەن بايلانىستى. ول اۋا تامشىلارى ارقىلى جوتەلگەندە، تۇشكىرگەندە، ناۋقاسپەن سويلەسكەندە تارالادى. ينفەكسيانىڭ كوزى – ەكپە الماعان بالالار. ۆاكسينالاۋ – ينفەكسيادان قورعانۋدىڭ جالعىز جولى. جوسپارلى ەكپەنى تۇرعىلىقتى مەكەنجاي بويىنشا ەمحانادان الۋعا بولادى»، - دەپ جازدى دسم.

الدىمەن بالادا جالپى سۋىق ءتيۋدىڭ بەلگىلەرى بولادى: مۇرىننان سۋ اعادى، دەنە قىزۋى كوتەرىلىپ، جوتەل پايدا بولادى. بىرتە-بىرتە جوتەل كۇشەيىپ، ۇستاما ءتارىزدى بولادى جانە بىرنەشە رەت قايتالانادى. ول اسقىنعان جاعدايدا وكپەنىڭ قابىنۋى، ميدىڭ قابىنۋى سەكىلدى سالدارعا اكەلەدى.

كوكجوتەلمەن اۋىراتىن ناۋقاستاردى ەمدەۋگە ارنالعان ارنايى دارى-دارمەك جوق. كوكجوتەلگە قارسى ەكپە بالانىڭ 2 ايلىعىنان باستاپ، 3 جانە 4 ايلىعىندا ءۇش رەت سالىنادى. سونداي-اق، 1،5 جانە 6 جاسار بالالارعا ريەۆاكسينالاۋ جۇرگىزىلەدى.

2 جاسقا دەيىنگى بالالاردى يممۋنداۋ ءۇشىن ارالاس بەس جانە التى كومپونەنتتى ۆاكسينالار، 6 جاستاعى بالالار ءۇشىن – ەۋروپادا وندىرىلگەن ءۇش كومپونەنتتى ۆاكسينا (سانوفي پاستەر س.ا.، فرانسيا) پايدالانىلادى.