«بالالار ادەبيەتىنىڭ باعبانى» - ب.سوقپاقبايەۆتىڭ ءومىرى مەن شىعارماشىلىعىنا زەرتتەۋ قاجەت

ادەبيەتتەگى شىندىعى ءۇشىن كەڭەستىك ساياساتتىڭ سىنىنا ۇشىراعان قالامگەر بەردىبەك سوقپاقبايەۆتىڭ ءومىرى مەن شىعارماشىلىعى ءالى زەرتتەلمەي كەلەدى.

بۇل تۋرالى الماتىدا وتكەن «بالالار ادەبيەتىنىڭ باعبانى» اتتى كەشتە جازۋشى مارات توقاشبايەۆ ايتتى، دەپ حابارلايدى Almaty-akshamy.kz.

ءپۋبليسيستىڭ پىكىرىنشە سوقپاقبايەۆ تۋىندىلارىنداعى كەيىپكەرلەردىڭ بولمىسى مەن ديالوگتارى، استارلى ويلارى كەڭەستىك كەزەڭدەگى جاۋاپتىلاردىڭ شىمبايىنا تيگەن. قالامگەر 1924 جىلى 15 قازاندا نارىنقول اۋدانىنىڭ قوستوبە اۋىلىندا دۇنيەگە كەلگەن. ساپارعالي بەگالين اتىنداعى ورتالىق قالالىق بالالار كىتاپحاناسىندا وتكەن كەش ۇلكەن تويدىڭ باستاۋى عانا. بەردىبەك سوقپاقبايەۆتىڭ «مەنىڭ اتىم قوجا»، «16 جاسار چەمپيون»، «ولگەندەر قايتىپ كەلمەيدى» سىندى سۇبەلى شىعارمالارى وقىرمان ءۇشىن ۇلكەن تاربيە مەكتەبىنە اينالدى.

«سونى قايتىس بولاردىڭ الدىندا مەملەكەتتىك سىيلىقتىڭ بەرىلمەۋىنىڭ ءوزى دە ءىس جۇزىندە ونى مويىنداعىسى كەلمەۋ. ءبىراق شىن مانىندە ۋاقىت، وتكەن زامان، ونىڭ بارلىعى بەردىبەكتىڭ شىعارماشىلىق بيىكتىگىن، ونىڭ شىن مانىندە كلاسسيكالىق جازۋشى ەكەندىگىن ۋاقىت دالەلدەپ وتىر. ونىڭ باعاسىن الداعى ۋاقىتتا دا بەرىلەدى، دەپ ويلايمىز»، - دەدى جۋرناليست-جازۋشى مارات توقاشبايەۆ.