قازاقستاندا بالاباقشالارعا كەزەككە تۇرۋدىڭ ءبىرىڭعاي بازاسى قۇرىلادى
ەلىمىزدە بالاباقشالارعا كەزەككە تۇرۋدىڭ ءبىرىڭعاي بازاسى قۇرىلادى. بۇل تۋرالى ق ر ءبىلىم جانە عىلىم ءبىرىنشى ۆيسە-مينيسترى شولپان كارينوۆا ايتتى، دەپ حابارلايدى Almaty-akshamy.kz
«مەكتەپكە دەيىنگى ءبىلىم بەرۋ ۇيىمدارىنىڭ، اسىرەسە، جەكەمەنشىك بالاباقشالار قىزمەتىنىڭ ساپاسى جاقسارادى. مەملەكەتتىك تاپسىرىستى ورنالاستىرۋ قاعيدالارىنا وزگەرىستەر ەنگىزەمىز. ونىڭ ىشىندە بىلىكتى پەداگوگتەرمەن قامتاماسىز ەتىپ، ءقاۋىپسىز جانە قولايلى جاعداي جاساۋ ءۇشىن، مەملەكەتتىك تاپسىرىس قاراجاتىن ماقساتتى جۇمساۋ جانە قىزمەت كورسەتۋ ساپاسىن ارتتىرۋ ماقساتىندا تالاپتاردى كۇشەيتەمىز»، - دەدى ول مينيسترلىكتىڭ كەڭەيتىلگەن القا وتىرىسىندا.
سونداي-اق ءبىرىنشى ۆيسە-مينيستر بالاباقشالارعا كەزەككە تۇرۋدىڭ ءبىرىڭعاي بازاسىن قۇرۋ جوسپارلانعانىن اتاپ ءوتتى.
«ول مەكتەپكە دەيىنگى ءبىلىم بەرۋ ۇيىمدارىنداعى ورىنداردى ءبولۋدىڭ اشىقتىعىن، قارجىنىڭ دۇرىس جۇمسالۋىن جانە كەزەكتىڭ قايتالانباۋىن قامتاماسىز ەتەدى»، - دەدى شولپان كارينوۆا.