تەكسەرۋ ناتيجەلەرى قوسىمشا بەرىلەتىن بولادى.
20 ناۋرىزعا دەيىن باقىلاۋ كوميسسياسى ءوز جۇمىسىن اياقتاۋى ءتيىس، دەپ حابارلايدى Almaty-akshamy.kz
الماتى قالاسى ءبىلىم باسقارماسىنان "№164 بوبەكجاي-بالاباقشاسى" مەملەكەتتىك بالاباقشاسىندا بالالاردى تاماقتاندىرۋ ساپاسىز ۇيىمداستىرىلادى دەگەن كۇدىككە قاتىستى اقپارات بەردى.
«وسى جاعدايعا قاتىستى جان-جاقتى تەكسەرۋ جۇرگىزۋ ءۇشىن مونيتورينگتىك توپ قۇرىلدى. 20 ناۋرىزعا دەيىن باقىلاۋ كوميسسياسى ءوز جۇمىسىن اياقتاۋى ءتيىس. ءقازىر الماتى قالاسى ءبىلىم باسقارماسىنىڭ قىزمەتكەرلەرى مەكتەپكە دەيىنگى ۇيىمعا كەتتى. تەكسەرۋ ناتيجەلەرى قوسىمشا بەرىلەتىن بولادى»، دەلىنگەن باسقارما تاراتقان اقپاراتتا.