بۇل تۋرالى ق ر وقۋ-اعارتۋ مينيسترلىگىنىڭ «بالالاردى ەرتە دامىتۋ ينستيتۋتى» رمم ديرەكتورى مانارا اداموۆا ايتتى.
بيىل مەكتەپكە دەيىنگى تاربيە مەن وقىتۋدىڭ جاڭا مەملەكەتتىك ستاندارتى مەن ۇلگىلىك باعدارلاماسى قابىلداندى، دەپ حابارلايدى Almaty-akshamy.kz
«وتكەن جىلى مينيسترلىك تاربيەشىلەردىڭ جۇمىسىن ەداۋىر جەڭىلدەتەتىن بۇيرىقتى بەكىتتى. وندا مەكتەپكە دەيىنگى ءبىلىم بەرۋ دەڭگەيىندەگى تاربيەشىلەر مەن مۇعالىمدەر تولتىراتىن ءۇش نەگىزگى قۇجات انىقتالعان. بۇل پەرسپەكتيۆالىق جوسپار، سيكلوگرامما جانە بالانىڭ جەكە دامۋ جوسپارى. اتتەستاتتاۋ كەزىندە باسقا قۇجاتتار قارالمايدى»، - دەدى «بالالاردى ەرتە دامىتۋ ينستيتۋتى» رمم ديرەكتورى مانارا اداموۆا.
ەسكە سالا كەتەيىك، بيىل مەكتەپكە دەيىنگى تاربيە مەن وقىتۋدىڭ جاڭا مەملەكەتتىك ستاندارتى مەن ۇلگىلىك باعدارلاماسى قابىلداندى. ساراپشىلار بۇل مەكتەپكە دەيىنگى ءبىلىم بەرۋ مازمۇنىن تۇبەگەيلى وزگەرتەتىن تاۋەلسىزدىك جىلدارىنداعى ەڭ ۇلكەن رەفورما ەكەنىن اتاپ ءوتتى.
جاڭا مەملەكەتتىك ستاندارت «ويىن ارقىلى وقىتۋ» قاعيداسىنا نەگىزدەلگەن بالالاردى دامىتۋدىڭ نەگىزگى ادىستەمەسىنە ورالۋعا مۇمكىندىك بەرەدى. سونداي-اق ەندى بالاباقشالار ەركىن كۇن ءتارتىبىن ازىرلەي الادى.
بۇل تاربيەشىلەرگە مينۋت سايىن قاتاڭ كەستەگە بايلانباي، كۇنى بويى بالالار ءۇشىن ويىن جانە وقۋ جاتتىعۋلارىن ۇيىمداستىرۋعا مۇمكىندىك بەرەدى. سونىمەن قاتار جاڭا ستاندارتتا بالالاردىڭ بويىندا ماڭىزدى قۇندىلىقتاردى قالىپتاستىرۋدىڭ تاسىلدەرى مەن ادىستەرى دە كورسەتىلگەن. تاربيەشى بالانى نەنىڭ دۇرىس، نەنىڭ بۇرىس ەكەنىن تۇسىنۋگە، سىپايى جانە مەيىرىمدى بولۋعا، دوس بولۋعا، قۇرمەتتەۋگە، كومەكتەسۋگە، بولىسۋگە، قىزىعۋشىلىق تانىتۋعا، قورشاعان الەمدى باقىلاۋعا، زەرتتەۋگە جانە ت.ب. ۇيرەتەدى.