الەۋمەتتىك قولايلىلىق: الماتىنىڭ اۋەزوۆ اۋدانىندا قادامدىق قول جەتىمدى جەرلەردەن بالاباقشالار، مەكتەپتەر مەن ەمحانالار سالىنۋدا
الماتى قالاسىنىڭ وكق بريفينگىندە اۋەزوۆ اۋدانىنىڭ اكىمى ابزال ەگەمبەردييەۆ العاشقى مەديسينالىق-سانيتارلىق كومەكتىڭ قادامدىق قولجەتىمدىلىگىن قامتاماسىز ەتۋ اياسىندا «مامىر» شاعىن اۋدانىندا وسى جىلدىڭ تامىز ايىندا اۋىسىمىنا 200 ادام قابىلدايتىن وتباسىلىق-دارىگەرلىك امبۋلاتوريا اشىلعانىن، بۇل وسى ەمحاناعا تىركەلگەن 12 مىڭ ادامعا ىڭعايلى قىزمەت كورسەتۋ ماسەلەسىن شەشۋگە مۇمكىندىك بەرمەك. سونىمەن قاتار، ول باسقا نىسانداردىڭ اشىلعانى تۋرالى مالىمدەدى، دەپ حابارلايدى اlmaty-akshamy.kz.
«اۋداننىڭ دەنساۋلىق ساقتاۋ سالاسىنداعى پروبلەمالىق ماسەلە، بۇل №18 ەمحاناعا تىركەلگەنگەندەرمەن شامادان تىس جۇكتەلۋى بولۋدا. وسى جاعدايدى شەشۋ ءۇشىن «قۋانىش» شاعىن اۋدانىندا 300 ورىندىق ەمحانا سالۋ جوسپارلانىپ وتىر، اعىمداعى جىلدىڭ قازان ايىندا، اتالعان ماقساتتا جەر ۋچاسكەسى ساتىپ الىندى. سونىمەن قاتار، كەلەسى جىلى №16 قالالىق ەمحاناعا كۇردەلى جوندەۋ جۇرگىزۋ جوسپارلانۋدا»، - دەپ حابارلادى اۋدان اكىمى.
ابزال ەگەمبەردييەۆ وقۋشى ورنىنىڭ تاپشىلىعى ماسەلەسىن شەشۋ جايىنا دا كەڭىرەك توقتالدى.
قازىرگى ۋاقىتتا اۋداندا 33 مەملەكەتتىك جانە 22 جەكەمەنشىك مەكتەپ بار، ونداعى وقۋشىلاردىڭ جالپى سانى - 59 209. اۋداندا وقۋشى ورنىنىڭ تاپشىلىعى 5 مىڭنان اسادى.
«وقۋشى ورىندارىنىڭ تاپشىلىعىن ازايتۋ ماقساتىندا 2022 جىلى №6،117،121،132،133 مەكتەپتەرگە 5 قوسىمشا قۇرىلىس سالىندى، سونداي-اق «دوستىق» جەكەمەنشىك مەكتەبى اشىلدى، بۇل سول كەزدەگى ورىن تاپشىلىعىن 3400 وقۋشى ورنىنا قىسقارتۋعا مۇمكىندىك بەردى»، - دەدى اۋدان اكىمى.
№141، 122 مەكتەپتەردە جانە بيل مامانداندىرىلعان ليسەيىندە (ءبىلىم يننوۆاسيالىق ليسەي) سەيسميكالىق كۇشەيتۋمەن كۇردەلى جوندەۋ اياقتالدى. سونىمەن قاتار، №9 مەكتەپتە كۇردەلى جوندەۋ جالعاسۋدا، ال №127 مەكتەپتە كۇردەلى جوندەۋ جۇمىستارى اياقتالىپ كەلەدى.
«جايلى مەكتەپ» ۇلتتىق جوباسى اياسىندا №97 مەكتەپتىڭ ەسكى عيماراتىنىڭ ورنىندا 600 ورىندىق جاڭا مەكتەپتىڭ قۇرىلىسى باستالدى. قۇرىلىستى اياقتاۋ 2024 جىلدىڭ III توقسانىندا جوسپارلانىپ وتىر.
№72 مەكتەپتىڭ ەسكى عيماراتىن بۇزۋ جانە سىيىمدىلىعى 380-نەن 1200 ورىنعا دەيىن ۇلعايتىلعان جاڭا مەكتەپ سالۋ جوسپارلانۋدا. جوبالىق سمەتالىق قۇجاتتى ازىرلەۋدىڭ باستالۋى-2024 جىلعى I توقسان.
الماتى قالاسىنىڭ اكىمدىگى مەن قۇرىلىس كومپانيالارى اراسىندا جاسالعان مەموراندۋمدى ورىنداۋ اياسىندا مىڭ جارىم (1500) ورىندىق ءبىر مەكتەپ، سونداي-اق 400 ورىندىق قوسىمشا قۇرىلىس سالۋ جوسپارلانۋدا.
ەسكى ەكى مەكتەپتى بۇزۋ ماسەلەسى پىسىقتالۋدا: № 13 گيمنازيا، قۋاتتىلىعىن 860-تان 1200 ورىنعا دەيىن ۇلعايتۋ. №158 مەكتەپ: قۋاتتىلىعىن 620-دان 1200 ورىنعا دەيىن ۇلعايتۋ ارقىلى.
جۇرگىزىلگەن تالداۋ قورىتىندىسى بويىنشا 2 مەكتەپ انىقتالدى: №1 جانە 42، ولارعا 700 وقۋشىعا ارنالعان قوسىمشا عيماراتتار سالۋ جوسپارلانۋدا.
سونىمەن بىرگە «تاۋگۇل-3» ىقشام اۋدانىندا جەكە ينۆەستورمەن 600 وقۋشىعا ارنالعان «Zerdesh» مەكتەبى اشىلدى.
مەكتەپكە دەيىنگى ءبىلىم بەرۋگە دە كوپ كوڭىل بولىنۋدە. بۇگىنگى تاڭدا اۋداننىڭ مەكتەپكە دەيىنگى مەكەمەلەرىندەگى ورىن تاپشىلىعى شامامەن 6 مىڭ ورىندى قۇرايدى. اۋداندا جالپى سانى 18 مىڭ ءبۇلدىرشىندى قامتيتىن 47 مەملەكەتتىك جانە 163 جەكەمەنشىك بالاباقشا جۇمىس اتقارۋدا
مەكتەپكە دەيىنگى ورىنداردىڭ تاپشىلىعى ماسەلەسىن شەشۋ، سونداي-اق بالاباقشالارداعى جاعدايدى جاقسارتۋ ءۇشىن كەلەسى جۇمىستار جۇرگىزىلۋدە: «التىن بەسىك» شاعىن اۋدانىندا 120 ورىندىق مەملەكەتتىك بالاباقشا قۇرىلىسى باستالدى. بيىل 10-شى ىقشام اۋدانىندا 160 ورىندىق بالاباقشا قۇرىلىسىنا جوبالىق سمەتالىق قۇجاتتى ازىرلەۋ جۇمىستارى باستالدى. تاۋگۇل ىقشام اۋدانىندا اپاتتى دەپ تانىلعان بالاباقشا عيماراتىنىڭ ورنىندا 120 ورىندىق جاڭا بالاباقشا سالۋ جوسپارلانۋدا. 2ء-شى شاعىن اۋدانىندا بۇرىنعى 120 ورىندىق بالاباقشا عيماراتىن سەيسميكالىق كۇشەيتە وتىرىپ، كۇردەلى جوندەۋدى جوبالاۋ جۇمىستارى جۇرگىزىلۋدە