جالپى بالا تۋۋ كورسەتكىش 2017 جىلدان بەرى بەس جىل قاتارىنان تومەندەگەن.
2021 جىلى بۇۇ مالىمەتىنە سايكەس الەمدە 134 ملن ءسابي دۇنيەگە كەلدى. بۇل 2020 جىلمەن سالىستىرعاندا 0،9%-عا از، دەپ حابارلايدى Almaty-akshamy.kz قازاقپاراتقا سىلتەمە جاساپ.
ايتا كەتەتىن جايت، وتكەن عاسىردىڭ 50-جىلدارى كورسەتكىشتەر ايتارلىقتاي تومەن بولدى. ءبىراق جىلدان-جىلعا بىرتىندەپ 90-شى جىلدارعا دەيىن كورسەتكىش ءوستى. 1950-جىلدارى 92،1 ميلليون بولسا، 1990 جىلى 142،5 ميلليون ءسابي دۇنيەگە كەلىپ، رەكورد بولدى.
مامانداردىڭ بولجامىنشا، الداعى جىلدارى الەمدە دۇنيەگە كەلەتىن سابيلەردىڭ سانى ارتىپ، 2040 جىلعا قاراي 138،5 ملن-عا جەتپەك. ودان ءارى كورسەتكىش تومەندەيدى جانە 2100 جىلى 111،5 ملن ءسابي تۋىلادى دەگەن بولجام جاسالۋدا.
سونىمەن الداعى جىلدارعا بولجام كەلەسىدەي: 2030 جىلى 136 ميلليون ءسابي، 2040 جىلى 138،5 ميلليون، 2050 جىلى 135،7 ميلليون، 2060 جىلى 130،6 ميلليون، 2070 جىلى 127،7 ميلليون، 2080 جىلى 122،7 ميلليون ءسابي دۇنيەگە كەلەدى. 2090 جىلى 116،7 ملن، 2100 جىلى 111،5 ملن نارەستە ءومىر ەسىگىن اشادى دەپ بولجام بار.
2021 جىلى تۋۋ كوەففيسيەنتى 1 مىڭ ادامعا شاققاندا 16،9 قۇرادى. دەگەنمەن بۇل كورسەتكىش ءبىراز ۋاقىت بويى تومەندەپ كەلەدى. مىسالى، 1950 جىلى كوەففيسيەنت 36،8، 1960 جىلى 33،9، 1970 جىلى 33،6، 1980 جىلى 28،5، 1990 جىلى 26،8، 2000 جىلى 21،8، 2010 جىلى 20،3، ال 2020 جىلى 17،2 جەتتى.
بولجامدى دەرەكتەر بويىنشا، وتكەن جىلى تۋۋ كوەففيسيەنتى 16،8 قۇرادى. بۇل 2030 جىلى 15،9-عا دەيىن، 2050 جىلى 14، 2070 جىلى 12،4، 2090 جىلى 11،2، ال 2100 جىلى 10،8-گە دەيىن تومەندەمەك.
ازىرگە تۋۋ كورسەتكىشى افريكا ەلدەرىندە وتە جوعارى، حالىقتىڭ مىڭ ادامعا 32،5 تۋۋدان كەلەدى. افريكا ەلدەرى - تۋۋ دەڭگەيى الەمدىك دەڭگەيدەن جوعارى جالعىز ماكرووڭىر. باسقا ايماقتاردا 2021 جىلعى جاعداي بويىنشا تۋۋ دەڭگەيى كەلەسىدەي: وكەانيا ەلدەرىندە — 15،6، لاتىن امەريكاسى مەن كاريب باسسەينىندە — 14،8، ازيادا — 14،3، سولتۇستىك امەريكادا — 10،9 جانە ەۋروپادا — بارلىعى 9،2.
ورتالىق ازيا ەلدەرىندە جالپى كوەففيسيەنت 1 مىڭ ادامعا شاققاندا 23،3 تۋۋدى قۇرادى. ەڭ جوعارى كورسەتكىش تاجىكستاندا (26،7)، ەڭ تومەنگى دەڭگەي قازاقستاندا (21،5 تۋعان) بايقالدى. قىرعىزستاندا كوەففيسيەنت 24،1، وزبەكستاندا — 23،6، تۇرىكمەنستاندا — 21،6 قۇرادى.
تمد-نىڭ قالعان ەلدەرىندەگى جاعدايعا كەلسەك، ءازىربايجاندا-12،3، ارمەنيادا — 12، رەسەيدە — 9،6، بەلارۋستە — 9،3 ال ۋكراينادا - 7،7.