سيفرلىق كىتاپحانا
ديپلوماتيالىق قارىم-قاتىناستىڭ ورناعانىنا 30 جىل تولۋىنا وراي قازاقستان ەلشىلىگى فاتالي احۋندوۆ اتىنداعى ءازىربايجان ۇلتتىق كىتاپحاناسىمەن بىرلەسىپ، قازاق قالامگەرلەرى ەڭبەكتەرىنىڭ ءازىربايجان تىلىندەگى سيفرلىق كىتاپحاناسىنىڭ تۇساۋكەسەرىن وتكىزدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءىس-شاراعا جازۋشىلار وداعىنىڭ حاتشىسى، ءازىربايجاننىڭ حالىق جازۋشىسى چينگيز ابدۋللايەۆ، تۇركى مادەنيەتى مەن مۇراسى حالىقارالىق قورىنىڭ پرەزيدەنتى گيۋناي ەفەندييەۆا، «ءازىربايجان-قازاقستان» رەسپۋبليكالىق دوستىق قوعامىنىڭ پرەزيدەنتى ەلدار گيۋنايدىن، ءازىربايجاننىڭ ادەبي توپتارى مەن زيالى قاۋىمىنىڭ كورنەكتى وكىلدەرى قاتىستى.
ەكى ەل اراسىنداعى ىنتىماقتاستىقتىڭ ۇزاق جىلدارى ىشىندە ءارتۇرلى ۋاقىتتا ازەربايجان تىلىنە اۋدارىلعان قازاق ويشىلدارىنىڭ، جازۋشىلار مەن اقىندارىنىڭ باي كىتاپ قورى جينالىپ، ولاردىڭ شىعارمالارى جاقىندا ەلشىلىكتىڭ باستاماسىمەن سيفرلاندىرىلدى.
ولار - ابايدىڭ، جامبىل جابايەۆتىڭ، ماعجان جۇمابايەۆتىڭ، مۇحتار اۋەزوۆتىڭ، قاليجان بەكحوجيننىڭ، ساپارعالي بەگاليننىڭ، قادىر مىرزالييەۆتىڭ، ولجاس سۇلەيمەنوۆتىڭ، روللان سەيسەمبايەۆتىڭ، مۇحتار شاحانوۆتىڭ، ءسابيت دوسانوۆتىڭ، نەمات كەلىمبەتوۆتىڭ، جولتاي جۇماتتىڭ، شەرحان مۇرتازانىڭ، عالىم مۇتانوۆتىڭ، بەرىك شاحانوۆتىڭ، قازىبەك شاحانوۆتىڭ، باقىتجان قاناپيانوۆتىڭ جانە ۇلىقبەك ەسداۋلەتتىڭ شىعارمالارى.
سيفرلىق كىتاپحاناعا جامبىل جابايەۆتىڭ 1939 جىلعى «لايلا» شىعارماسىنان باستاپ، قازىرگى زامانعى جازۋشىلاردىڭ ەڭبەكتەرىنە دەيىنگى باسىلىمداردىڭ 50-گە جۋىق ەلەكتروندىق نۇسقاسى ەندى.
سيفرلانعان شىعارمالاردىڭ ىشىندە فيرۋزا اگايەۆا، فاتيما دۋرسۋنوۆا، ايدا ەيۆازوۆا، ەلحان زالا كاراحانلى، اكيف احمەدلى، يبراگيم يلياسلى، راميز اسكەروۆ، ەلمان گۋلييەۆ، تەيمۋر تۋران، نيزامي مامەدوۆ-تاگيسوي، ناريمان ابدۋلراحمانلى جانە باسقا دا ءازىربايجان اقىن مەن جازۋشى-اۋدارماشىلاردىڭ تارجىمەلەرى بار.
ءوز سوزىندە قازاقستان ەلشىسى سەرجان ابدىكارىموۆ وسىنداي جوبالاردى ىسكە اسىرۋ ارقىلى نىعايا بەرەتىن باۋىرلاس ەكى ەل مەن حالىقتاردىڭ تاريحي تىعىز مادەني-گۋمانيتارلىق، ادەبي جانە ادامي بايلانىستارىن اتاپ ءوتتى.
اقپاراتتىق كەڭىستىكتە اشىق سيفرلىق كىتاپحانانى قۇرۋ ونى شىنىمەن حالىقتىق، بارلىعىنا قولجەتىمدى ەتەدى.
وسى ەلەكتروندى رەسۋرس ەكى تۇركى حالىقتارىنىڭ بۇگىنگى جانە بولاشاق ۇرپاقتارىنىڭ مادەني ءوزارا بايىتىلۋى مەن رۋحاني جاقىنداسۋىن كۇشەيتەتىنىنە سەنىم ءبىلدىردى.
ءوز كەزەگىندە، كىتاپحانا ديرەكتورى كەريم تاحيروۆ قازاق جازۋشىلارىنىڭ ەڭبەكتەرىن سيفرلىق فورماتقا كوشىرۋ جانە ولاردى بولاشاق ۇرپاققا تاپسىرۋ ارقىلى ساقتاۋدىڭ ماڭىزدىلىعىن اتاپ ءوتتى. ول سيفرلاندىرۋ مەن جوعارى تەحنولوگيالار عاسىرىندا ەلەكتروندى كىتاپحانالار اشىق قولجەتىمدىلىككە، ۋاقىت پەن قاراجاتتى ۇنەمدەۋگە بايلانىستى وقىرماندار اراسىندا ۇلكەن تانىمالدىلىققا يە ەكەنىن اتاپ ءوتتى.
«ايماقتارداعى وقىرماندار الىس بولعاندىقتان باكۋ قالاسىنىڭ كىتاپحانالارىنا كىرە المايدى. ەلەكتروندىق كىتاپتار - ءبىلىم بەرۋ مەن بوس ۋاقىتتى وتكىزۋ پروسەسىندە ىڭعايلى عانا ەمەس، سونىمەن قاتار ءوز پىكىرلەرىڭىزدى ينتەرنەتتە ءبولىسۋ مۇمكىندىگى»، – دەپ اتاپ ءوتتى ول.
تانىستىرىلىمعا قاتىسۋشىلار قازاقستانمەن كوپجىلدىق ىنتىماقتاستىق تۋرالى ايتىپ، ءوزارا تۇسىنىستىك پەن دوستىقتى نىعايتۋعا، قازاق ادەبيەتىن ازەربايجاندا تانىمال ەتۋگە جانە ەكى باۋىرلاس حالىقتىڭ بىرلىگىنە باعىتتالعان وسى گۋمانيتارلىق-بىلىم بەرۋ جوباسىنىڭ ماڭىزى مەن جاڭاشىلدىعىن اتاپ ءوتتى.
قازاقستاننىڭ باكۋداعى ەلشىلىگى سايتىنىڭ «پايدالى ماتەريالدار» بولىمىندە ازەربايجان تىلىندە «ەلەكتروندىق كىتاپحانا» اتتى تاقىرىپتىق بلوك بار. جاقىن ارادا ول م.ف.احۋندوۆ اتىنداعى ءازىربايجان ۇلتتىق كىتاپحاناسىنىڭ سايتىندا دا قولجەتىمدى بولادى.