قازاقستان قۇراماسىنىڭ جارتىلاي قورعاۋشىسى باكتيەر زاينۋتدينوۆ تۇركيانىڭ «بەشيكتاش» كومانداسى ساپىنداعى العاشقى ويىنىن وتكىزىپ، ءبىرىنشى گولىن سوقتى، دەپ حابارلايدى Almaty-akshamy.kz.
بۇل تاريحي ءسات تۇركيالىق كلۋبتىڭ كونفەرەنسيا ليگاسى پلەي-وفف ساتىسىنداعى ۋكراينانىڭ «دينامو كييەۆ» قارسى كەزدەسۋىندە تىركەلدى.
قازاقستاندىق فۋتبولشى ەكىنشى كەزەڭنىڭ 46-مينۋتىندا كوماندالاسى ارىپتەسى ارتۋر ماسۋاكۋدى الماستىردى. كونگو دەموكراتيالىق رەسپۋبليكاسىنىڭ فۋتبولشىسى ءبىرىنشى كەزەڭدە العان جاراقاتىنا بايلانىستى ويىندى جالعاستىرا المادى.
كەزدەسۋ بارىسىندا ول 95-مينۋتتا قارسىلاس كوماندا قاقپاسىن ءدال كوزدەپ، جەڭىس الىپ كەلدى.
كەزدەسۋدە «بەشيكتاش» قارسىلاسىنان 3:2 ەسەبىمەن باسىم ءتۇستى.
قارىمتا كەزدەسۋ 31 تامىزدا بولادى.
ايتا كەتسەك، باكتيەر زاينۋتدينوۆ ىستانبۇلدىق كلۋبپەن وسى جىلدىڭ 18 تامىزىندا كەلىسىمشارتقا قول قويدى. ول 2027 جىلدىڭ 30 ماۋسىمىنا دەيىن جاڭا كومانداسى قۇرامىندا ويىن كورسەتە الادى.