توتە جازۋمەن جازىلعان كىتاپتىڭ 93 بەتى ساقتالعان
بۇقار جىراۋ اتىنداعى وبلىستىق ادەبيەت جانە ونەر مۋزەيىندە اقىننىڭ احمەت بايتۇرسىن ۇلىنىڭ جاقىندا تابىلعان اراب ارپىمەن باسىلعان «ماسا» كىتابىنىڭ تانىستىرىلىمى ءوتتى. توتە جازۋمەن جازىلعان كىتاپتىڭ 93 بەتى ساقتالعان، دەپ حابارلايدى Almaty-akshamy.kz.
كىتاپقا ەنگەن شىعارمالار ءتىزىمى دە بار. كىتاپ ابدەن ەسكىرگەن، بەتتەرى سارعايعان. قۇندى جادىگەر اققۋلى اۋدانى شاقا اۋىلىنىڭ تۇرعىنى نۇرلان قاسىموۆتىڭ ۇيىندە ساقتالعان. مۋزەيگە ونىڭ باۋىرى تالعات قاسىموۆ تاپسىردى، دەپ حابارلايدى Pavlodarnews.kz.
«بۇل كىتاپ 90-شى جىلدارى وسى ۇيگە كەلگەن ەكەن. اراب جازۋىمەن بولعاننان كەيىن ونى قۇران كىتابى دەپ ويلاپ جۇرگەن. كەيىن مەشىتكە اپارىپ تاپسىرماق بولعان ەكەن. مەشىتتە بۇل قۇران ەمەس دەپ، قايتارىپ بەرگەن. ودان كەيىن "ماسا" كىتابى ەكەنى انىقتالىپ، مۋزەي قورىنا تاپسىرىلدى»، - دەدى مۋزەي ديرەكتورى ەربول قايىروۆ.