بايقوڭىردا مەشىت بوي كوتەرمەك
بايقوڭىر قالاسىنداعى تۇڭعىش مەشىتتىڭ قۇرىلىسىنا دايىندىق جۇمىستارى ءجۇرىپ جاتىر، دەپ حابارلايدى، دەپ حابارلايدى Almaty-akshamy.kz
«قازاقستان رەسپۋبليكاسىنىڭ باستاماسى مەن قالا اكىمشىلىگىنىڭ قولداۋىمەن گاگارين كوشەسىندە جاڭا ساۋلەت نىسانىن، مۇسىلمان مەشىتىن سالۋ جوباسى ازىرلەندى»، دەپ حابارلادى بايقوڭىر قالاسىنىڭ اكىمشىلىگى.
مەشىت قۇرىلىسى قالا قۇرىلىسىن ايماقتارعا ءبولۋ كارتاسىن، سونداي-اق بايقوڭىر قالاسىنىڭ جەردى پايدالانۋ مەن قۇرىلىس جۇرگىزۋ ەرەجەلەرىن وزگەرتۋدى تالاپ ەتتى. قازىرگى ۋاقىتتا وسى قۇجاتتار بويىنشا ماسەلەلەر شەشىلۋدە.
«مەشىت قۇرىلىسى قازاقستان مۇسىلماندارى ءدىني باسقارماسىنىڭ قولداۋىمەن جانە جەكە تۇلعانىڭ قاراجاتى ەسەبىنەن جۇرگىزىلەدى»، دەپ حابارلادى قازاقستان پرەزيدەنتىنىڭ «بايقوڭىر» كەشەنىندەگى ارنايى وكىلىنىڭ قىزمەتىن قامتاماسىز ەتۋ جونىندەگى قىزىلوردا وبلىستىق باسقارماسى.
مەشىت 2000 ورىنعا ەسەپتەلگەن، قۇرىلىستى 2022 جىلى اياقتاۋ جوسپارلانعان.
ءقازىر قۇرىلىسقا ارنالعان جەر تەلىمى انىقتالىپ، جوبالاۋ الدىنداعى قۇجاتتاما دايىندالۋدا.