الماتى قالاسىنىڭ وڭىرلىك كوممۋنيكاسيالار قىزمەتى قالالىق جانە رەسپۋبليكالىق ب ا ق اراسىندا «الماتى قالاسىنىڭ الەۋمەتتىك-ەكونوميكالىق دامۋى» تاقىرىبىندا ۇزدىك قالام تەربەگەندەرگە ارناپ بايقاۋ جاريالايدى.
2023 جىلعى 1 ماۋسىمنان باستاپ 2024 جىلعى 31 مامىرعا دەيىن (قوسا العاندا) اتالىمدار بويىنشا ەفيرگە شىققان نەمەسە ب ا ق پەن الەۋمەتتىك جەلىلەردە جاريالانعان جۇمىستار قاراۋعا قابىلدانادى.
وتىنىمدەر مەن ماتەريالدار 2024 جىلدىڭ 23 مامىرىنان باستاپ (قوسا العاندا) قابىلدانادى.
وتىنىمدەر مەن جۇمىستاردى (ماتەريالداردى) قابىلداۋ 2024 جىلدىڭ 21 ماۋسىمىندا (قوسا العاندا) اياقتالادى.
نەگىزگى اتالىمدار مەملەكەتتىك جانە ورىس تىلدەرىندە:
1) «ۇزدىك جۋرناليست-ساراپشى» - مەرزىمدى باسىلىمدارداعى ساراپتامالىق ماتەريالدار؛
2) «ۇزدىك شولۋشى» - الماتىنىڭ الەۋمەتتىك-ەكونوميكالىق دامۋى تۋرالى ينتەرنەت-باسىلىمدارداعى ماتەريالدار.
قازاق جانە ورىس تىلدەرىندەگى قوسىمشا اتالىمدار:
1) «ۇزدىك راديورەپورتاج» - الماتىعا ارنالعان راديوسيۋجەتتەر؛
2) «ۇزدىك تەلەسيۋجەت» - قالا ءومىرى تۋرالى تەلەسيۋجەتتەر؛
3) «ۇزدىكموبيلوگراف» - مەگاپوليس ءومىرى تۋرالى ۆيدەوروليكتەر؛
4) «ۇزدىك فوتورەپورتاج» - الماتى تۋرالى فوتوجۇمىستارى؛
5) «الەۋمەتتىك جەلىدەگى ۇزدىك ماتەريال» - ارنايى اتالىم الەۋمەتتىك جەلىلەردەگى، (Facebook، Instagram، TikTok) تانىمال توپتار مەن پابليكتەر ءوتىنىش بەرە الادى.
كونكۋرسقا قاتىسۋ ءۇشىن اعىمداعى جىلدىڭ 21 ماۋسىمىنا دەيىنگى ارالىقتا الماتى قالاسىنىڭ وڭىرلىك كوممۋنيكاسيالار قىزمەتىنىڭ rskalmaty.info@gmail.com ەلەكتروندىق مەكەنجايىنا ءوتىنىمدى (ءوتىنىش بەرۋشىنىڭ ءاتى-جونى، ب ا ق اتاۋىن، ماتەريالدىڭ ەلەكتروندىق نۇسقاسىن جانە ماتەريالعا سىلتەمەنى (ءبىر ءوتىنىش بەرۋشىدەن 3 ماتەريالدان ارتىق ەمەس)، ناقتى اتالىمدى، بايلانىس دەرەكتەرىن كورسەتىپ) «بايقاۋعا قاتىسۋ ءۇشىن» دەپ بەلگىلەپ جىبەرۋ قاجەت. بايلانىس ءنومىرى +7 708 973 4655
بايقاۋ جەڭىمپازدارى ءار ساناتتا باعالى سىيلىقتارمەن جانە گراموتالارمەن ماراپاتتالادى.