قاراعاندى وبلىسىندا تازا قاندى اراب تۇقىمدى بايگە اتىن ۇرلاپ، سويىپ العان كۇدىكتىلەر ۇستالدى، دەپ حابارلايدى Almaty-akshamy.kz. قاراعاندى وبلىستىق پد باسپا ءسوز قىزمەتىنە سىلتەمە جاساپ.
قاراعاندى وبلىسى، شەت اۋداندىق پوليسيا بولىمىنە 30 جاستاعى اۋدان تۇرعىنى ارىزدانىپ، بەلگىسىز بىرەۋلەر حالىقارالىق بايگەگە دايىنداپ جۇرگەن تۇلپارىن ۇرلاپ كەتكەنى تۋرالى حابارلاعان. جابىرلەنۋشىگە كەلتىرىلگەن شىعىن 1 ميلليون 500 مىڭ تەڭگەنى قۇراعان.
-پوليسيا قىزمەتكەرلەرىمەن جۇرگىزىلگەن كەشەندى جەدەل-ىزدەستىرۋ ءىس-شارالارى بارىسىندا وسى ىسكە قاتىسى بار دەگەن كۇدىكپەن 23 جانە 54 جاستاعى ازاماتتار ۇستالدى. ولاردىڭ بارلىعى شەت اۋدانىنداعى بلوك-بەكەتتە قولعا ءتۇستى. كۇدىكتىلەر ۇرلانعان جىلقىنى سويىپ، مۇشەلەپ تاستاعانى تۋرالى مويىنداۋ كورسەتپە بەلگىلەرىن بەردى. اتالعان فاكت بويىنشا قازاقستان رەسپۋبليكاسى قىلمىستىق كودەكسىنىڭ 188-1 بابىنا سايكەس قىلمىستىق ءىس قوزعالدى، -دەپ حابارلادى قاراعاندى وبلىستىق پوليسيا دەپارتامەنتى كريمينالدىق پوليسيا باسقارماسىنىڭ باستىعى اسلان وسكەمبايەۆ.
سونداي-اق، باسقارما باستىعىنىڭ ايتۋىنشا جىل باسىنان باستاپ، وبلىس اۋماعىندا 644 باس مال ۇرلانىپ، ونىڭ 547ء-سى يەلەرىنە قايتارىلعان. مال ۇرلىعىنىڭ الدىن الۋ ماقساتىندا 13 قىركۇيەك پەن 30 جەلتوقسان ارالىعىندا وبلىس اۋماعىندا "مال ۇرىسى" جەدەل الدىن الۋ ءىس-شاراسى وتكىزىلۋدە. ءىس-شارا اياسىندا وڭىردەگى اۆتوجولدارعا 17 جىلجىمالى بەكەتتەر قويىلدى.
قاراعاندى وبلىستىق پد باسپا ءسوز ق