مىسالى، ءدال قازىرگى ۋاقىتتاعى ەلدىڭ جانىن قيناپ وتىرعان قىمباتشىلىقتان شىعۋدىڭ جولدارى.
ق ر ەڭبەك سىڭىرگەن قايراتكەرى بايعالي ەسەنالييەۆ الداعى سايلاۋدان ادىلدىك كۇتەتىنىن ايتتى، دەپ حابارلايدى Almaty-akshamy.kz
«ادىلدىك ول حالىقتىڭ الدىنداعى جاريالىلىق دەپ بىلەمىن جانە قازىرگى ەل باسقارىپ وتىرعان مەملەكەت يەسىنىڭ وتكەندەگىدەي ولقىلىقتارعا جول بەرمەيتىنىنە مەن سەنەمىن. سايلاۋدان كەيىنگى مەن كۇتەتىن وزگەرىس – ول جاڭاعى جولداۋدا ايتىلعان ماسەلەلەر ورىندالسا، ول ەلدىڭ كۇتكەن وزگەرىسى، وڭ وزگەرىس. مىسالى، ءدال قازىرگى ۋاقىتتاعى ەلدىڭ جانىن قيناپ وتىرعان قىمباتشىلىقتان شىعۋدىڭ جولدارىن جولداۋدا وتە جاقسى ايتتى، ودان كەيىن بارىپ كوررۋپسيا ماسەلەسى، جەمقورلىق. بۇدان دا شىعۋ جولدارىن كورسەتىپ بەردى. ال ەندى، ەڭ باستى جولداۋدا ايتىلعان ماعان ۇناعان نارسە – وسىعان تاپسىرما بەرىلگەن ادامدار ءوز ىسىمەن ناقتى اينالىسپاعان جاعدايدا ۇلكەن كادرلىق وزگەرىستەردىڭ بولاتىنىن قاداپ تۇرىپ ايتتى. دەمەك، بيلىكتە ۇزىن ارقان، كەڭ تۇساۋمەن وتىرعان ادامداردىڭ كوبىسى جاستارمەن اۋىستىرىلادى دەپ سەنەمىن جانە ونى ءبىر ەمەس، ەكى قايتارا قايتالاپ ايتتى، مەملەكەت باسشىسى وسى ماسەلەگە كوڭىل اۋدارعانىن بايقادىم»، – دەدى ق ر ەڭبەك سىڭىرگەن قايراتكەرى بايعالي ەسەنالييەۆ.