بايدەننىڭ رەيتينگى 41 پايىزعا دەيىن تومەندەگەن.
اقش-تىڭ دەموكراتيالىق پارتياسى قاراشادا وتەتىن سايلاۋدان كەيىن كونگرەسستىڭ ەكى پالاتاسىنداعى باسىمدىلىعىنان ايىرىلۋى مۇمكىن. بۇل تۋرالى Lenta.ru سايتىنا بەرگەن سۇحباتىندا ماسكەۋدەگى امەريكا ۋنيۆەرسيتەتىنىڭ جەتەكشىسى ءارى ساياساتتانۋشى ەدۋارد لوزانسكيي مالىمدەدى، دەپ حابارلايدى Almaty-akshamy.kz.
ونىڭ ايتۋىنشا،بۇل اقش پرەزيدەنتى دجو بايدەننىڭ ساياساتىنا نارازىلىقتىڭ وسۋىنە بايلانىستى ونسىز دا كۇردەلى بولىپ تۇرعان جاعدايدى قيىنداتادى.
«ەگەر بۇل بولجام ىسكە اسسا، ياعني دەموكراتتار كونگرەستەگى باسىمدىلىعىنان ايرىلىپ قالسا، بىردەن يمپيچمەنت ارەكەتتەرى باستالادى. پرەزيدەنتتىڭ دەنساۋلىعى سىلتاۋ بولۋى ىقتيمال»، - دەپ بولجادى لوزانسكيي.
ونىڭ ايتۋىنشا، ۆيسە-پرەزيدەنت كامالا حارريس بايدەنگە كومەكتەسە المايدى، سەبەبى ونىڭ رەيتينگى امەريكا كوشباسشىسىنىڭ رەيتينگىسىنەن دە تومەن.
ساياساتتانۋشى وسى اڭگىمە اياسىندا بۇقارالىق اقپارات قۇرالدارى ءتىپتى حيللاري كلينتون ۇلكەن ساياساتقا قايتا ورالۋى مۇمكىن دەگەن بولجامدار جاساي باستادى. سونىمەن قاتار، دونالد ترامپتىڭ اقش كونگرەسىنىڭ وكىلدەر پالاتاسىنا سايلانۋى مۇمكىن بولاتىن سەناريي تالقىلانىپ جاتىر، ول كەيىننەن سپيكەر لاۋازىمىنا يە بولىپ، ەلدەگى ءۇشىنشى تۇلعا بولادى.
قوعام پىكىرىن ءبىلۋ ماقساتىندا Pew Research جۇرگىزگەن ساۋالناما ناتيجەسىندە، بايدەننىڭ رەيتينگى 41 پايىزعا دەيىن تومەندەگەنىن كورۋگە بولادى. سونىمەن قاتار، Morning Consult زەرتتەۋىن كورسەتتى، ونىڭ زەرتتەۋى بويىنشا، بايدەن امەريكا قۇراما شتاتتارى تاريحىنداعى ەڭ سۇيكىمسىز پرەزيدەنتتەرىنىڭ ءبىرى بولدى. وعان دەگەن سەنىمنىڭ تومەندەۋى جۇمىسسىزدىقتىڭ، ينفلياسيانىڭ ءوسۋى جانە COVID-19 پاندەمياسى كەزىندەگى ۇلتتىق دەنساۋلىق ساقتاۋ جۇيەسىنىڭ ناشار احۋالى سالدارىنان جويىلدى.
16 قاڭتاردا اقش-تىڭ بۇرىنعى پرەزيدەنتى ترامپ اق ۇيگە جاقىن ارادا ورالاتىنىن مالىمدەدى. ەلدىڭ بۇرىنعى كوشباسشىسى اريزونا شتاتىنىڭ فلورەنسيا قالاسىندا ءوز جاقتاستارىنىڭ ميتينگىسىندە 2024 جىلى قىزمەتىنە قايتا ورالۋعا ۋادە بەردى. ول سونداي-اق «امەريكانى قايتادان ۇلى ەتۋ» كەرەكتىگىن اتاپ ءوتتى.