بۇل تۋرالى ساياساتكەر ءوزىنىڭ X الەۋمەتتىك جەلىسىندەگى رەسمي پاراقشاسىندا مالىمدەدى.
دجو بايدەن پرەزيدەنت سايلاۋىنا قاتىسپايتىنىن مالىمدەدى، دەپ حابارلايدى Almaty-akshamy.kz
بايدەن پرەزيدەنتتىك باسەكەدەن كەتۋگە شەشىم قابىلداعانىن، سايلاۋدا اقش ۆيسە-پرەزيدەنتى كامالا ءحارريستى قولدايتىنىن ايتتى.
«پرەزيدەنت رەتىندە قىزمەت ەتۋ مەن ءۇشىن ۇلكەن مارتەبە بولدى. مەن قايتا سايلانۋعا نيەت بىلدىرسەم دە، سايلاۋدان شىعىپ، پرەزيدەنت رەتىندە لاۋازىمدىق مىندەتىم تولىق اياقتالعانشا قىزمەتىمدى اتقارسام بۇل پارتيا مەن ەل ءۇشىن ءتيىمدى بولادى دەپ ويلايمىن. بۇگىندە امەريكا الەمدەگى ەڭ كۇشتى ەكونوميكاعا يە. ءبىز ەلىمىزدىڭ قالپىنا كەلۋى، قارتتار ءۇشىن رەسەپتۋرالىق دارى-دارمەك باعاسىن تومەندەتۋ مەن امەريكالىقتار ءۇشىن رەكوردتىق كورسەتكىشكە اينالعان قولجەتىمدى مەديسينالىق قىزمەت كورسەتۋدى كەڭەيتۋ ءۇشىن تاريحي ينۆەستيسيا جاسادىق. ءبىز ۋىتتى زاتتاردىڭ ىقپالىنا ۇشىراعان ميلليونداعان ارداگەرگە قاجەتتى كومەكتى بارىنشا كورسەتتىك. 30 جىلدا العاش رەت قارۋ-جاراق قاۋىپسىزدىگى تۋرالى زاڭدى قابىلدادىق»، - دەپ اتاپ ءوتتى ول.