اقپاراتتىق تەحنولوگيالار سالاسىندا ارۋلاردىڭ كوبەيىپ كەلە جاتقانى قۋانتادى
ق ر سيفرلىق دامۋ، يننوۆاسيالار جانە اەروعارىش ونەركاسىبى ءمينيسترى باعدات مۋسين ايەلدەر قاۋىمىن 8 ناۋرىز مەرەكەسىمەن قۇتتىقتادى، دەپ حابارلايدى Almaty-akshamy.kz.
«قىمباتتى ارۋلار، سىزدەردى 8 ناۋرىز - حالىقارالىق ايەلدەر كۇنىمەن قۇتتىقتايمىن! بۇگىنگى تاڭدا قازاقستاندىق ارۋلار - وتباسىنىڭ ۇيىتقىسى، وشاقتىڭ بەرەكەسى عانا ەمەس، كارەرالىق جەتىستىكتەرگە جەتىپ، بيزنەستە بيىك بەلەستى باعىندىرىپ، ەلىمىزدىڭ ەگەمەندىگىن ەڭسەلى ەتۋگە زور ۇلەس قوسىپ جاتقان بەلسەندى تۇلعا. ەر-ازاماتتارعا سەنىم ارتىپ، ابىروي-اتاققا جەتۋ جولىندا ۇنەمى قولداۋ كورسەتىپ، توزىمدىلىك پەن دانالىقتىڭ سيمۆولىنا اينالعان ايەلدەر قاۋىمىنا العىسىم شەكسىز. ءبىزدىڭ مينيسترلىككە قاراستى سالالاردا كەزىندە كوبىنە ەر كىسىلەر قىزمەت ەتسە، قازىرگى تاڭدا اەروعارىش ونەركاسىبى، تەلەكوممۋنيكاسيا، يننوۆاسيا، گەودەزيا جانە كارتوگرافيا سالاسىندا قىز-كەلىنشەكتەردىڭ دە قاتارى ارتىپ كەلەدى. ال «ازاماتتارعا ارنالعان ۇكىمەت» پەن ءىت-سالادا ايەلدەر قاۋىمى باسىم دەسەك تە بولادى. مۇنى جۋىردا Astana Hub-تا ساۋاتتى سپيكەرلەر مەن ءوز ءىسىنىڭ شەبەرلەرى جينالعان Techno Women فورۋمىنان دا بايقاۋعا بولادى. وسىنداي زاماناۋي سالالاردا باسەكەگە قابىلەتتى ارۋلاردىڭ كوبەيىپ كەلە جاتقاندىعى كەرەمەت ەمەس پە؟! دەنساۋلىقتارىڭىز مىقتى، باقىتتارىڭىز باياندى بولسىن!»،- دەپ جازدى مينيستر ءوزىنىڭ Facebook پاراقشاسىندا.