2022 جىلدىڭ 1 قىركۇيەگىندە مەملەكەت باسشىسى قاسىم-جومارت توقايەۆ قازاقستان حالقىنا كەزەكتى جولداۋىن جولداعان بولاتىن. جولداۋ بەس باعدارعا ءبولىنىپ، ءار سالا بويىنشا اتقارىلار شارالار سارالانىپ بەرىلگەن. جەر، جول ماسەلەسى، ايەلدەردىڭ زەينەتكەرلىك جاسىنىڭ تومەندەۋى، بالا كۇتىمىنە ارنالعان جاردەماقىنىڭ ۇزارۋى، ەنەرگەتيكا، تاريف، اۋىلشارۋاشىلىعى سالاسى، كاسىپكەرلىكتى قولداۋ! ياعني پرەزيدەنت قوعامنىڭ بارلىق سالاسىن قامتىدى.
اتالعان جولداۋدىڭ ەكىنشى باعدارىندا 2025 جىلعا دەيىن جەرگىلىكتى جولداردىڭ كەمىندە 95 پايىزىن جاقسارتۋ جونىندە تاپسىرما بەردى.
پرەزيدەنتتىڭ ەل دامۋ ءۇشىن جاسالاتىن قادامداردى ناقتى ايتۋى جۇرتشىلىقتىڭ كوڭىلىنەن شىقتى دەپ ويلايمىن. ءبىر سوزبەن ايتقاندا، جولداۋ وزىندىك ناقتىلىعىمەن، ۇعىنىقتىلىعىمەن ەرەكشەلەندى. ءبىز وسى جولداۋ مىندەتتەرى ورىندالىپ، تۇرعىنداردىڭ تۇرمىس ساپاسىن ارتتىرۋ، دەنساۋلىق ساقتاۋ سفەراسىن دامىتۋ، ينفراقۇرىلىمدى دامىتۋ، ەلدەگى تومەنگى جالاقى ماسەلەسىن شەشۋ سىندى تەگەۋرىندى باسىمدىقتار جۇزەگە اسقان جاعدايدا ەلدىڭ تۇرمىسى ءتۇزەلىپ، جاعدايىمىزدىڭ جاقساراتىنىنا سەنەمىز.
مەملەكەت باسشىسى پرەزيدەت پەن ءماجىلىس سايلاۋىن مەرزىمىنەن بۇرىن وتكىزۋدى ۇسىندى. سونداي-اق، پرەزيدەنت 1 مەرزىمگە قايتا سايلاۋ قۇقىعىنسىز، 7 جىل مەرزىمگە سايلاناتىن نۇسقا ۇسىنىپ، ونى پارلامەنت قاراۋىنا جولدادى. ءوز كەزەگىندە بۇل سايلاۋدىڭ ماڭىزى وتە زور دەپ سانايمىن، ءارى ستراتەگيالىق تا، ساياسي دا زور ماڭىزعا يە دەپ بىلەمىن. سەبەبى، پارتيا تۋرالى زاڭعا وزگەرىستەر ەنگەن سوڭ، ساياسي ادىلەتتى توپتاردىڭ ەل مۇددەسى ءۇشىن اتقارار ىستەرى دە وڭايلاي تۇسكەنى راس. «ادىلەتتى قازاقستان» قۇرۋ ادىلەتتى سايلاۋ وتكىزۋدەن باستاۋ الاتىنىنا حالىقتىڭ دا سەنىمى مول.
وسى رەتتە قوعامدىق ءومىردىڭ بارلىق سالالارىن سيفرلاندىرۋ مەن اۆتوماتتاندىرۋ سالىقتان تۇسكەن تابىستىڭ اشىق ءارى ادال تۇردە ىسكە اسۋىن قامتاماسىز ەتەتىنى انىق. سونىمەن بىرگە، الدىڭعى قاتارلى وزىق يننوۆاسيالىق تەحنولوگيالار جالپى كاسىپورىنداردىڭ باسەكەگە قابىلەتتىلىگىن ارتتىرىپ قانا قويماي، ەل تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن دە قاجەت. بۇل ءبىرىنشى كەزەكتە سيفرلى وركەنيەت زامانىندا ادام كاپيتالىنىڭ دامۋىمەن تىعىز بايلانىستى. شىن مانىندە بۇگىنگى كۇنى عالامتورعا قولجەتىمدىلىكتىڭ ءوسۋى ساياسي اقپارات اعىنىن ارتتىرىپ، ازاماتتاردىڭ ءبىلىم مەن جاڭا زامان تالابىنا ساي كاسىبي شەبەرلىكتەردى جاپپاي يگەرۋىنە جول اشتى.
قازىرگى ۋاقىتتا ەلىمىزدىڭ بارلىق جوو، جۇمىس ورىندارى قالا بەردى ءبىلىم وردالارىنىڭ بارلىعى دەرلىك سيفرلى ساۋاتتىلىققا يە بولا باستادى. وسى رەتتە عالامتار عاجايىپتارىنىڭ ارقاسىندا جاستارىمىز ءبىلىمدى، سانالى باسقا شەتەلدىڭ ازاماتتارىمەن تەرەزەسى تەڭ بولىپ كەلە جاتقانى جاسىرىن ەمەس. بۇل مەملەكەتىمىزدىڭ حالىققا جاساعان ۇلكەن قامقورلىعى دەسەك، ارتىق ايتپاعانىمىز.
ءقازىر قاراپ وتىرساق، وسكەلەڭ ۇرپاق گادجەتتەر مەن كومپيۋتەردىڭ ەڭ سوڭعى نۇسقالارارىن شەبەر مەڭگەرگەن. سونىڭ ارقاسىندا ەلىمىز دامىعان مەملەكەتتەردىڭ قاتارىندا كورىنىپ كەلە جاتقانىن اڭعارۋعا بولادى.
پرەزيدەنتىمىز الەمدىك گەوساياسي جانە ەكونوميكالىق احۋالدارعا ءمان بەرە وتىرىپ، تىڭ شەشىمدەر مەن تاپسىرمالار بەردى. ەلدەگى ەكونوميكانى، بيزنەستى جۇيەلەۋدى، جەر قويناۋى مەن سۋ رەسۋرستارىن دۇرىس پايدالانۋدىڭ باسقا دا مودەلدەرىن قۇراستىرۋدى تاپسىردى. الداعى ۋاقىتتا ەلىمىز ەكونوميكاسى قارقىندى دامىعان، كوممۋنيكاسيالانعان مەملەكەتكە اينالاتىنىنا سەنىمىمىز مول.
كەلەشەك ۇرپاققا ينۆەستيسيالاۋدى، مەملەكەتتىك قىزمەتتىڭ جۇمىسىن كۇشەيتۋدى، كەنجەلەپ تۇرعان تۇستارىن قايتا جاڭعىرتۋ مەن جاساقتاۋدى قولعا الىپ، وزىق تەحنولوگيالارمەن توعىسىپ، ەلىمىز وركەنيەتتى، جاستارىمىز جالىندى بولادى دەگەن سەنىمدەمىن.
الداعى سايلاۋدا بارشاڭىزدى بەلسەندى بولۋعا، ەل ەرتەڭى ءۇشىن اتسالىسۋعا شاقىرامىن. وسى جولداۋ حالىقتىڭ كوڭىلىنەن شىقتى دەپ ايتا الامىن. ەندىگى كەزەكتە بىزگە اۋىزبىرشىلىك ماڭىزدى. بەيبىت ەلىمىزدى قۇرۋدا بارشاڭىزدى ءبىر بولىپ، ەل يگىلىگى جولىندا جۇمىس جاساۋعا شاقىرامىن. جولداۋ بولاشاعىمىزدىڭ ىرگەسىن نىقتاۋعا مىندەتتەيدى. ەندەشە، قۋاتتى ادىلەتتى قازاقستاندى بىرگە قۇرايىق.