جاڭا مەكتەپتەر سالىنىپ، مەديسينالىق مەكەمەلەر مودەرنيزاسيالانادى.
«QAMQOR CHARITY» قوعامدىق قورىنىڭ ءتورايىمى، الماتى قالاسى اكىمى جانىنداعى جاستار كەڭەسىنىڭ مۇشەسى باعدات اناربايەۆا وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا سويلەگەن سوزىندە مەملەكەت باسشىسى ءوز جولداۋىندا جاستارعا ۇلكەن مۇمكىندىكتەر تۋعىزعانىن اتاپ ءوتتى، دەپ حابارلايدى Almaty-akshamy.kz
«پرەزيدەنتتىڭ ءاربىر جولداۋى ەرەكشە، ول ەلىمىزدىڭ دامۋىنا وڭ وزگەرىستەر اكەلەدى. ارىپتەستەرىم، ەل جاستارى قولداعان كوپتەگەن جاقسى تەزيستەر جاريالاندى. الەۋمەتتىك سالادا جانە ءبىلىم بەرۋدە بەلگىلەنگەن وزگەرىستەر ۇندەۋگە ءۇن قوستى. جاڭا مەكتەپتەر سالىنىپ، مەديسينالىق مەكەمەلەر مودەرنيزاسيالانادى دەگەن جاڭالىق ەلىمىزدىڭ دامۋىنا وڭ اسەر ەتەدى»، - دەدى باعدات اناربايەۆا.
قاسىم-جومارت توقايەۆ ءوزىنىڭ ءاربىر جولداۋىندا جاستاردى جان-جاقتى قولداۋ تۋرالى ايتادى.
ءوز كەزەگىندە الماتى جاستارى بەلسەندى ءىس-قيمىلداردى باستادى، مىسالى، ەرىكتىلەر، پارتيا مۇشەلەرى جانە قالا تۇرعىندارىنىڭ كۇشىمەن ءورت كەزىندە قوستاناي وبلىسىنىڭ زارداپ شەككەن تۇرعىندارى ءۇشىن گۋمانيتارلىق كومەك جينالدى. بارلىعى 6 فۋرگون جىبەرىلدى. «جاستار رۋحى» ەرىكتىلەرى جۇكتەردى جەتكىزىپ، زارداپ شەككەندەرگە تاراتتى.
سونداي-اق، باعدات اناربايەۆا «QAMQOR CHARITY» كومپانياسىنىڭ قازىرگى جۇمىسى تۋرالى ايتىپ بەردى. بۇگىندە ولار اتا-اناسىنىڭ قامقورلىعىنسىز قالعان بالالارمەن جانە جالعىز باستى زەينەتكەرلەرمەن بەلسەندى جۇمىس ىستەۋدە. جوبالاردىڭ ءبىرى – «الەۋمەتتىك شەبەرحانا»، ونىڭ اياسىندا جوبا سەرىكتەستەرى بالالار ۇيىندە ماماندىقتارعا تەگىن وقىتادى. بۇگىندە 20 بالا موبيلوگرافيا، اسپازدىق، سمم كۋرستارىندا وقيدى.
سونىمەن قاتار، ەرىكتىلەر قارت ادامدار تۇراتىن الەۋمەتتىك ۇيلەرگە كومەك كورسەتەدى. وندا ولار ويىن-ساۋىق شارالارىن وتكىزەدى. سونىمەن قاتار، جالعىز باستى زەينەتكەرلەرگە پاتروناج جۇرگىزىلۋدە.