بىرىككەن اراب امىرلىكتەرىنىڭ پرەزيدەنتى قوستاناي وبلىسىنداعى ورماندى قالپىنا كەلتىرۋ جۇمىستارىنا 1 ميلليون دوللار ءبولدى.
ابۋ-دابيگە رەسمي ساپارمەن بارعان پرەمەر-مينيستر ءاليحان سمايىلوۆ شەيح مۇحاممەد بەن زايد ءال ناحايانعا كورسەتكەن كومەگى ءۇشىن العىسىن ءبىلدىردى، دەپ حابارلايدى Almaty-akshamy.kz.
سونداي-اق ۇكىمەت باسشىسى ەكى ەل اراسىنداعى ديپلوماتيالىق قاتىناستاردىڭ ورناعانىنا 30 جىل تولعانىن اتاپ ءوتتى. وسى ۋاقىت ىشىندە ديپلوماتيالىق قاتىناس ستراتەگيالىق سەرىكتەستىك دەڭگەيىنە كوتەرىلگەن. سوڭعى جىلدارى ءتۇرلى سالاداعى بىرلەسكەن جوبالار دا ارتقان.