27 جىلداعى جاۋىن-شاشىننىڭ ەڭ كوپ مولشەرى تۇسكەن
بىرىككەن اراب امىرلىكتەرىندە سوڭعى ەكى كۇندە تولاسسىز جاۋعان جاڭبىر ناتيجەسىندە 27 جىلداعى جاۋىن-شاشىننىڭ ەڭ كوپ مولشەرى تۇسكەن، دەپ حابارلايدى Almaty-akshamy.kz قازاقپاراتقا سىلتەمە جاساپ.
Khaleej Times باسىلىمىنىڭ مالىمەتىنشە، ۇلتتىق مەتەورولوگيا ورتالىعىنىڭ مالىمەتىنشە، نوسەر مەن جاڭبىر ەل تاريحىنداعى ەڭ ۇلكەن سۋ تاسقىنىنا اكەلدى. بەيسەنبىدە فۋدجەيرا پورت ستانسياسىندا 255،2 مم جاۋىن-شاشىن تىركەلگەن، بۇل شىلدە ايىندا ءباا ءۇشىن ەڭ جوعارى كورسەتكىش.
جاۋىن-شاشىننىڭ مولشەرى بويىنشا ەكىنشى كورسەتكىش - 209،7 مم ءباا-نىڭ سولتۇستىك-شىعىسىنداعى راس-ال-حايما امىرلىگىندە ورنالاسقان ماسافي قالاسىندا تىركەلدى.
ءۇشىنشىسى - فۋدجەيرا اۋەجايىندا جاۋىن-شاشىن مولشەرى 187،9 مم-گە جەتتى. فۋدجەيرا پوليسياسى سۋ تاسقىنى سالدارىنان زارداپ شەككەندەر تۋرالى ەشقانداي حابارلاما تۇسپەگەنىن، تەك عيماراتتار مەن كولىكتەرگە زيان كەلگەنىن حابارلادى.
ءباا ۆيسە-پرەزيدەنتى شەيح مۇحاممەد بين راشيد دۋبايداعى قۇتقارۋ توپتارىنا فۋدجەيرا امىرلىگىندە، سونداي-اق قاتتى جاڭبىردان زارداپ شەككەن ەلدىڭ شىعىس ايماقتارىندا قۇتقارۋ جۇمىستارىنا كومەك كورسەتۋدى تاپسىردى.
ەل ۇكىمەتى بەيسەنبى مەن جۇمادا قاشىقتان جۇمىس ىستەۋگە كوشۋ تۋرالى جارلىق شىعاردى.