الماتىدا اتى بەرىلگەن داڭعىلدا قازاق حالقىنىڭ ۇلى اعارتۋشىسى، جازۋشى، ەتنوگراف، قوعام قايراتكەرى ى. التىنسارينگە ەسكەرتكىش قويىلدى.
ءومىرىن بالالاردى وقىتۋعا ارناعان اعارتۋشى، پەداگوگتىڭ 180 جىلدىعىندا ى.ءالتىنساريننىڭ ەسكەرتكىشى سالتاناتتى تۇردە اشىلدى، دەپ حابارلايدى Almaty-akshamy.kz
سالتاناتتى شاراعا الماتى قالاسىنىڭ اكىمى باقىتجان ساعىنتايەۆ، قازاقستان جازۋشىلار وداعىنىڭ ءتوراعاسى ۇلىقبەك ەسداۋلەت، ۇلتتىق عىلىم اكادەمياسىنىڭ پرەزيدەنتى مۇرات جۇرىنوۆ، زيالى قاۋىم وكىلدەرى مەن قوعام قايراتكەرلەرى قاتىستى.
ءىس-شارا بارىسىندا قالا اكىمى ب. ساعىنتايەۆ ىبىراي ءالتىنساريننىڭ مۇراسى تەك ءبىر حالىق پەن ەتنوس ءۇشىن عانا ەمەس، بۇكىل ادامزات ءۇشىن اسا قۇندى ەكەنىن اتاپ ءوتتى.
ب. ساعىنتايەۆ ءبىلىم بەرۋ سالاسىنىڭ قالا مەن مەملەكەتتى دامىتۋداعى ماڭىزىن اتاپ ءوتتى. سوندىقتان الماتىدا مۇعالىمدەردى قولداۋ، جاڭا مەكتەپتەر سالۋ جانە وقۋ پروسەسىنە يننوۆاسيالىق يدەيالاردى ەنگىزۋ بويىنشا بارلىق شارالار قابىلدانۋدا.
قولا مەن گرانيتتەن جاسالعان التى مەترلىك ەسكەرتكىشتىڭ اۆتورلارى - دانيار سارباسوۆ، ءالىمجان توقبايەۆ، دۋلات ۇسەنبايەۆ جانە قانات بەگۋلييەۆ.