قۇلجا تراكتىندەگى جولايرىعى جاقىندا پايدالانۋعا بەرىلەدى
«الماتى» تا-داعى Akimat LIVE باعدارلاماسىنىڭ تىكەلەي ەفيرى بارىسىندا قالا تۇرعىندارىنىڭ سۇراقتارىنا جاۋاپ بەرە وتىرىپ، مەگاپوليس اكىمى باقىتجان ساعىنتايەۆ سالىنىپ جاتقان جولايرىعىندا قوزعالىستى ىسكە قوسۋدىڭ مەرزىمدەرى تۋرالى ايتتى، دەپ حابارلايدى Almaty-akshamy.kz
بۇقتىرما كوشەسى مەن قۇلجا تراكتىسىنىڭ قيىلىسىندا كولىكتىڭ جولايرىعىن سالۋ بويىنشا قۇرىلىس-مونتاج جۇمىستارى كەستەگە ساي جۇرگىزىلۋدە. قازىرگى كەزدە №1 ەستاكادا قۇرىلىسى جانە اينالما جولداردى سالۋ جۇمىستارى ورىندالدى.
اعىمداعى ايدىڭ سوڭىنا دەيىن قوزعالىستى ۋاقىتشا سىزبا بويىنشا اشۋ جوسپارلانۋدا. ەستاكادا بويىمەن قۇلجا تراكتىسى ارقىلى ەكى باعىتتا كولىك قوزعالىسى ۇيىمداستىرىلادى.
بۇدان باسقا، شىعىسقا قاراي قوزعالىس كەزىندە بۇقتىرما كوشەسىنەن قۇلجا تراكتىسىنە سەزدەر بويىنشا، سونداي-اق قۇلجا تراكتىسى بويىمەن قوزعالىس كەزىندە اينالما الاڭىنسىز بۇقتىرما كوشەسىنە سەزد اشۋ جوسپارلانۋدا.
بۇل شارالار جولايرىعى قۇرىلىسى اۋدانىندا كولىك قوزعالىسىن ۇيىمداستىرۋدى ەداۋىر جاقسارتادى جانە وسى ۋچاسكەدەگى كولىك جۇكتەمەسىن ازايتادى.
بارلىق باعىتتاعى قوزعالىستى اشۋ 2022 جىلدىڭ ءبىرىنشى جارتىجىلدىعىنا جوسپارلانۋدا. ءتورت جانە التى جولاقتى زاماناۋي جولايرىعى شااج اۋەجايعا اپاراتىن جولمەن بايلانىستىرادى جانە ۋچاسكە تراسساسىنىڭ جۇگىن جەڭىلدەتەدى. قۇلجا تراكتىسى بويىنداعى ەستاكادانىڭ ۇزىندىعى 784 شاقىرىم، بۇقتىرما كوشەسىندەگى تۋننەل 570 شاقىرىمدى قۇرايدى. اباتتاندىرۋ كەزىندە جاقىن اۋماقتارعا 750 اعاش وتىرعىزىلاتىن بولادى.