الماتى اكىمى باقىتجان ساعىنتايەۆ ورتالىق كوممۋنيكاسيالار قىزمەتىندەگى باسپا ءسوز كونفەرەنسياسىندا سويلەگەن سوزىندە مەگاپوليس تۇرعىندارىنىڭ كوروناۆيرۋس ينفەكسياسىنىڭ تارالۋىنىڭ الدىن الۋ شارالارى جانە ۆاكسينالانۋ قارقىنى تۋرالى ايتتى.
25 ماۋسىمداعى احۋال بويىنشا الماتىدا 54 مىڭ جاعداي تىركەلدى. ايدىڭ باسىنان بەرى سىرقاتتانۋ دەڭگەيى 3،5 ەسە ازايدى. اعىمداعى جىلدىڭ ماۋسىم ايىنىڭ قازىرگى كەزەڭىندە 9900 جاعداي تىركەلسە، مامىر ايىنىڭ ءدال وسى كەزەڭىندە تىركەلگەنى - 2900 جاعداي.
سوڭعى تاۋلىكتە كوروناۆيرۋستىق ينفەكسيا جۇقتىرۋدىڭ 110 جاعدايى تىركەلدى، تاۋلىكتىك ءوسىمى 0،1 پروسەنتكە دەيىن تومەندەدى. ينفەكسيالىق ستاسيونارلاردا 591 پاسيەنت ەم قابىلداۋدا.
الايدا، سوڭعى ەكى اپتادا جۇقتىرۋدىڭ ءوسۋى بايقالادى - بەتپەردەلىك جانە قاشىقتىق رەجيمدەرىنە حالىقتىڭ ەنجار قاراۋى سالدارىنان R سانى 0،7-دەن 1 126-عا دەيىن ءوستى.
21 ماۋسىمدا الماتى 10 كۇن جاسىل الاڭدا بولعاننان كەيىن «سارى» ايماققا ورالدى. COVID-19 اۋرۋىنىڭ جوعارلاۋىنىڭ باستى سەبەبى مۋتاسيالانعان شتامداردىڭ اينالىمىنىڭ جالعاسۋىنا جانە جاڭا، اسا اگرەسسيۆتى «دەلتا» شتامىنىڭ پايدا بولۋىنا بايلانىستى، ينفەكسيانىڭ جوعارى دەڭگەيى جانە ينفەكسيانىڭ تەز تارالۋى.
سونىمەن قاتار، پروفيلاكتيكالىق شارالار مەن شەكتەۋلەردىڭ جەتكىلىكسىز ساقتالۋى سالدارىنان ينفەكسيالاردىڭ ءوسۋى بايقالادى: ساۋدا وبەكتىلەرىندە - 28%، بازارلاردا - 12%، قوعامدىق كولىكتەردە - 18%، قوعامدىق تاماقتاندىرۋ كاسىپورىندارىندا - مەيرامحانالار، كافەلەر، تۇنگى كلۋبتار، كاراوكەدە - 7%.
ۆيرۋستىق فوندى انىقتاۋ ماقساتىندا 12-23 ماۋسىم ارالىعىندا الماتىدا مۋتاسيالانعان شتاممداردىڭ «نۇكتەلىك» پتر سكرينينگى جۇرگىزىلدى. بۇل تەحنيكانىڭ دالدىگى 99% قۇرايدى. زەرتتەۋگە جەتكىزىلگەن 97 ۇلگىنىڭ ىشىنەن 63 ۇلگىدەگى شيفرلار شەشىلدى. وسىلايشا، 41 سىنامادا (65%) بريتاندىق شتامم انىقتالدى، 11 (17،5%) - ءۇندى، 2 (3،2%) - وڭتۇستىك افريكالىق، 1 (1،6%) - نيۋ-يورك، 8 (12،7%) – قوزدىرعىش انىقتالمادى.
كۆي ناۋقاستارىنىڭ جاس قۇرامىن تالداۋ كورسەتكەندەي، 20-39 جاس ارالىعىنداعى جاستاردىڭ سىرقاتتانۋ دەڭگەيى 33%-دان 38%-عا دەيىن وسۋدە، بۇل وسى كونتينگەنت اراسىندا ەرىكتى ۆاكسينالانۋدىڭ بەلسەندىلىگىنىڭ تومەن ەكەنىن كورسەتەدى.
15-19 جاس ارالىعىنداعى اۋرۋ جۇقتىرعان جاسوسپىرىمدەردىڭ ۇلەسى 4،2-دەن 5،4-كە دەيىن ءوستى (1،2%). 40 جانە ودان جوعارى جاستاعى ازاماتتار اراسىندا جۇقتىرعانداردىڭ ۇلەسىنىڭ 2،3%-دان 1،4%-عا دەيىن تومەندەۋى ۆاكسيناسيانىڭ نەگىزگى قۇرامى وسى ۆاكسينالانۋدىڭ تيىمدىلىگىن كورسەتتى.
بۇگىنگى كۇنى قالاداعى ەپيدەميولوگيالىق جاعدايدى تۇراقتاندىرۋ ماقساتىندا تۇرعىنداردى ۆاكسينالانۋ قارقىنى كۇشەيتىلدى، ناتيجەسىندە يممۋندىق قابات 34ء-تى قۇرايدى (ۆاكسيناسيانىڭ تولىق كۋرسىن العان ادامداردىڭ 24%-ى +10%) قالپىنا كەلتىرىلدى).
سونىمەن قاتار، مەگاپوليس اۋماعىنا ينفەكسيا اكەلۋ جاعدايلارىن انىقتاۋ جانە الدىن-الۋ الگوريتمىن ساقتاۋعا جانە قالادا «دەلتا» شتاممىنىڭ اينالىمىنا بايلانىستى قالانىڭ حالىقارالىق اۋەجايى مەن تەمىرجول ۆوكزالدارىندا باقىلاۋ كۇشەيتىلدى.
Ashyq جوباسىن ىسكە اسىرۋ جانە جوباعا قاتىسۋشىلاردىڭ تالاپتاردى ساقتاۋىن ودان ءارى باقىلاۋ بويىنشا جۇمىستار جالعاسۋدا. Ashyq جوباسىندا 2030 قاتىسۋشى ءوز قىزمەتىن جۇزەگە اسىرادى، ال 117 - تەستىلىك رەجيمدە. كىرە بەرىستەگى سكانەرلەۋ ناتيجەسىندە 650 تۇرعىن ءۇشىن قىزىل، 168 تۇرعىن ءۇشىن سارى مارتەبە راستالدى، ولارعا وبەكتىلەرگە كىرۋگە تىيىم سالىندى.
مونيتورينگتىك توپتاردىڭ بەلسەندى جۇمىسى جالعاسۋدا، 2856 رەيد جۇرگىزىلدى، 26938 وبەكت قامتىلدى، كارانتيندىك شارالاردى بۇزعان 2410 (9%) وبەكت انىقتالدى. 332 ملن تەڭگە سوماسىنا 4548 ايىپپۇل سالىندى، ونىڭ 434 زاڭدى جانە 4114 جەكە تۇلعالارعا. تۇراقتى بۇزۋشىلارعا قارسى سوت ورگاندارىنا 75 ماتەريال ۇسىنىلدى، 38 وبەكتىنىڭ قىزمەتى توقتاتىلدى.
25 ماۋسىمداعى جاعداي بويىنشا، 402 978 ادامعا ۆاكسينا ەگىلدى. وتكەن تاۋلىكتە 9 449 ادامعا ۆاكسينا ەگىلدى. ۆاكسينا ەگىلگەندەردىڭ جالپى سانىنان 59 590 ادام 60 جاستان اسقان.
قالادا مەديسينالىق ۇيىمداردا، مەكتەپتەردە، مادەني جانە سپورت نىساندارىندا، بازارلاردا جانە قالانىڭ ساۋدا-ويىن-ساۋىق ورتالىقتارىندا 208 ۆاكسينالاۋ پۋنكتى جۇمىس ىستەيدى (250-گە دەيىن ۇلعايتۋ ەكپە بريگاداسى جۇمىلدىرىلدى.