العاباس شاعىناۋدانىندا ينجەنەرلىك جۇمىستار اياقتالعان سوڭ، جولدار قالپىنا كەلتىرىلەدى.
جۇمىس ساپارى بارىسىندا مەگاپوليس اكىمى باقىتجان ساعىنتايەۆ قالاعا قوسىلعان شاعىناۋداندارداعى سۋمەن جابدىقتاۋ جانە سۋدان بۇرۋ جەلىلەرىنىڭ، جولدار مەن الەۋمەتتىك نىسانداردىڭ قۇرىلىسىمەن تانىستى، دەپ حابارلايدى Almaty-akshamy.kz.
الاتاۋ اۋدانىنداعى العاباس شاعىناۋدانىندا 17 كم سۋ قۇبىرى جەلىسى مەن 13،5 كم سۋ بۇرۋ قۇرىلىسىنىڭ ءبىرىنشى كەزەڭى اياقتالۋعا جاقىن. ولارعا 1332 ابونەنت قوسىلادى. ەكىنشى كەزەڭدە 19،1 كم سۋمەن جابدىقتاۋ جەلىلەرى مەن 13،7 كم كارىز، سونداي-اق 14 كم قىسىمدى كارىز جەلىلەرىنىڭ قۇرىلىسى جالعاسۋدا. بۇلارعا 1،5 مىڭعا جۋىق ابونەنت قوسىلادى. سونداي-اق، العاباس شاعىناۋدانىنىڭ تۇرعىندارىن ورتالىقتاندىرىلعان سۋمەن جابدىقتاۋ جانە سۋدان بۇرۋمەن تولىق قامتاماسىز ەتۋ ماقساتىندا قۇرىلىستىڭ ءىىى كەزەڭىنە جسق ازىرلەۋ جۇمىستارى جۇرگىزىلۋدە.
العاباس شاعىناۋدانىندا ينجەنەرلىك جۇمىستار اياقتالعان سوڭ، 24 كوشەدەگى 11،3 شاقىرىم جولدار قالپىنا كەلتىرىلەدى. بۇگىنگى كۇنى 10 كوشەنىڭ 3،9 شاقىرىمى قالپىنا كەلتىرىلدى. سونىمەن قاتار، 98 كوشەگە 31،9 شاقىرىم جاڭا جول سالىنادى. بۇگىنگى كۇنى ۇزىندىعى 4،2 شاقىرىم بولاتىن 9 كوشەگە اسفالتبەتون جامىلعىسى توسەلدى. باسقا كوشەلەرگە ۋاقىتشا جامىلعىلار توسەلەتىن بولادى.
21 كوشەدە سىرتقى جارىقتاندىرۋ ورناتىلدى. قالعان ەكى جارىقتاندىرىلماعان كوشەدە قالا اكىمىنىڭ تاپسىرماسى بويىنشا ءمجا اياسىندا جارىقتاندىرۋ ۇيىمداستىرىلادى. سونداي -اق، 32 ترانسفورماتورلىق قوسالقى ستانسيانى اۋىستىرۋمەن 73،5 شاقىرىم ەلەكتر جەلىلەرى جاڭارتىلادى.
وسىلايشا، 21 مىڭ ادام تۇراتىن العاباس شاعىناۋدانىنىڭ تۇرمىس جاعدايى جاقسارىپ، جالپى قالالىق ستاندارتتارعا ساي بولادى. بۇل كۇنى بۇگىنگە دەيىن جەكە ۇيىمدار ۇسىنعان جابدىقتاۋ قىزمەتتەردىڭ ساپاسىنا جانە ەلەكتر ەنەرگياسى مەن سۋمەن جابدىقتاۋ تاريفتەرگە قاتىستى بولادى.
ءدال وسىنداي جۇمىستار ناۋرىزباي اۋدانىندا دا جۇرگىزىلۋدە. سونىمەن، اقجار شاعىناۋدانىندا 19 كم سۋ قۇبىرى مەن 15،7 كم سۋ بۇرۋ جەلىسىنىڭ قۇرىلىسى جالعاسۋدا. جوبا بويىنشا ولارعا 1400 ءۇي قوسىلادى. جوبانى اياقتاۋ كەلەسى جىلعا جوسپارلانعان. 5،5 شاقىرىم جەلىنى جاڭارتۋ جانە 3 ترانسفورماتورلىق قوسالقى ستانسيانى اۋىستىرۋ جوسپارلانۋدا. 2020 جىلى اعىمداعى جوندەۋ اياسىندا 49 كوشە بويىنا سىرتقى جارىقتاندىرۋ جەلىلەرى تارتىلدى.
الماتى اكىمى ب. ساعىنتايەۆ تاستىبۇلاق شاعىناۋدانىنداعى جول قۇرىلىسىنىڭ بارىسىمەن دە تانىستى. بۇگىنگى كۇنى ۇزىندىعى 10،1 شاقىرىم بولاتىن 17 كوشەگە اسفالتبەتون جامىلعىسى توسەلدى. ۇزىندىعى 1،1 كم بولاتىن ءبىر كوشەگە اسفالت توسەۋ جاقىن ارادا اياقتالادى. سونداي-اق، قالا اكىمى تاستىبۇلاق وزەنىنىڭ جاعالاۋىن جاقسارتۋ بارىسىن تەكسەردى.
قالانىڭ سولتۇستىك-باتىس بولىگىندە كولىك بايلانىسىن دامىتۋ ماقساتىندا ساين كوشەسىن رىسقۇلوۆ داڭعىلىنان موڭكە بي كوشەسىنە دەيىن ۇڭگىلەۋ اۋقىمدى جوبا بويىنشا جۇرگىزىلۋدە. جالپى ۇزىندىعى 3،2 كم. بۇگىنگى كۇنى 1،4 كم ۋچاسكەدە جۇمىستار جۇرگىزىلۋدە. بازانى دايىنداۋ، جاعالاۋدى ورناتۋ جانە بەتكەيلەردى نىعايتۋ اياقتالدى. ب. ساعىنتايەۆ قارقىندى جەدەلدەتىپ، جۇمىس كولەمىن ارتتىرۋدى تاپسىردى. التى جولاقتى جول الاتاۋ اۋدانى مەن الماتى وبلىسىنىڭ قالا ماڭىنداعى ەلدى مەكەندەردە تۇراتىن ازاماتتاردىڭ ۇتقىرلىعىن ارتتىرادى.
قولجەتىمدى تۇرعىن ۇيمەن قامتاماسىز ەتۋ جۇمىستارى جالعاسۋدا. ب. ساعىنتايەۆ «مادەنيەت» تۇرعىن ءۇي كەشەنىندەگى العاش سالىنعان 144 پاتەرلى 4 ءۇيدى قاراپ شىقتى. اۋماقتى اسفالتتاۋ جانە كوشەلەردى جارىقتاندىرۋ جۇمىستارى جۇرگىزىلۋدە. بارلىعى 792 پاتەرلى 22 ءۇي سالۋ جوسپارلانۋدا. وسىلايشا، 211 پاتەر حالىقتىڭ الەۋمەتتىك وسال توپتارى اراسىندا، 24ء-ى - جۇمىس ىستەيتىن جاستار اراسىندا، 557 - كەزەكتە تۇرعاندار مەن وتباسى بانكىنىڭ سالىمشىلارى اراسىندا بولىنەدى.
الماتى اكىمى ب. ساعىنتايەۆتىڭ تاپسىرماسى بويىنشا جوسپاردى ناقتى ازىرلەۋ كەزىندە بالاباقشا مەن ءۇش مەكتەپ سالۋ جوسپارلانۋدا. وسىلايشا، تۇرعىندارعا جاقىن ماڭدا الەۋمەتتىك قىزمەتتەر كورسەتىلەدى.
قالقامان شاعىن اۋدانىندا №7 قالالىق كلينيكالىق اۋرۋحانانىڭ جاڭا عيماراتىنىڭ قۇرىلىسى جالعاسۋدا. قابىلداۋعا كۇنىنە 650 دەيىن بولادى. ناۋقاستارعا ارنالعان 48 توسەك-ورىن بار. قالا اكىمى قۇرىلىس جۇمىستارىنىڭ بارىسىمەن جانە جابدىقتار تىزىمىمەن تانىستى. كت اپپاراتتارى، رەنتگەن ساۋلەلەرى، جەلدەتكىشتەر، جىلجىمالى رەنتگەن جۇيەلەرى، مەديسينالىق مونيتورلار مەن كوپفۋنكسيونالدى كەرەۋەتتەر ساتىپ الۋ جوسپارلانۋدا. ب. ساعىنتايەۆ جاڭا مەديسينالىق مەكەمەنى پايدالانۋعا بەرۋدى جەدەلدەتۋدى، ارلەۋ جانە قۇرىلىس-مونتاجداۋ جۇمىستارىن تەزدەتۋدى تاپسىردى. نەگىزگى ماقسات – حالىققا كورسەتىلەتىن مەديسينالىق قىزمەتتىڭ ساپاسىن ارتتىرۋ.
