ۇكىم زاڭدى كۇشىنە ەنگەن جوق.
"ازىق-تۇلىك كورپوراسياسىنىڭ" ەكى قىزمەتكەرىنە پارا العانى ءۇشىن 48 ملن تەڭگە ايىپپۇل سالىنىپ، سوتتالدى، دەپ حابارلايدى Almaty-akshamy.kz سىبايلاس جەمقورلىققا قارسى ءىس-قيمىل اگەنتتىگىنىڭ مالىمەتىنە سىلتەمە جاساپ.
سىبايلاس جەمقورلىققا قارسى ءىس-قيمىل اگەنتتىگى 16 مامىردا تاراتقان اقپاراتقا ساي، استانا قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن "ازىق-تۇلىك كورپوراسياسى ۇك" اق قارجى دەپارتامەنتىنىڭ ديرەكتورى ن.گ. ءجۇمادىلوۆ جانە باس مامانى گ.ج. ابەنوۆ سوتتالدى. ولار كاسىپكەردەن قۇجاتتاردى جيناۋ بويىنشا بۇرىن كورسەتكەن قىزمەتتەرى ءۇشىن، سونداي-اق استىق تۇرىندە تاۋارلىق نەسيە بەرۋ تۋرالى شارتقا قول قويۋعا كومەكتەسكەنى ءۇشىن پارا الدى دەپ كۇدىكتەندى.
"سوتتالعاندارعا قاتىستى سوت شەشىمىمەن مەملەكەتتىك قىزمەتتە جانە كۆازيمەملەكەتتىك سەكتور سۋبەكتىلەرىندە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، جالپى سوماسى 48 ملن تەڭگە ايىپپۇل تۇرىندە جازا تاعايىندالدى"،- دەلىنگەن حابارلامادا.
ولار ايىپپۇلدى بەلگىلەنگەن مەرزىمدە تولەمەگەن جاعدايدا جازا باس بوستاندىعىنان ايىرۋعا اۋىستىرىلاتىنىن ايتتى.