«ازىق-تۇلىك كەلىسىمشارت كورپوراسياسى» ۇك» اق ۇلتتىق استىق وپەراتورى جانە قازاقستانداعى بىرىككەن ۇلتتار ۇيىمىنىڭ دامۋ باعدارلاماسى (بۇۇدب) تۇراقتى اگرووندىرىس، ەگىنشىلىكتىڭ ەكولوگيالىق تاجىريبەسىن ەنگىزۋ جانە سولتۇستىك قازاقستاننىڭ ەكوجۇيەلەرىن ساقتاۋ (FOLUR) سالاسىنداعى ىنتىماقتاستىق تۋرالى كەلىسىمگە قول قويدى.
بۇل باستاما جاھاندىق ەكولوگيالىق قوردىڭ قولداۋىمەن ق ر اۋىل شارۋاشىلىعى مينيسترلىگىمەن جانە قازاقستانداعى بۇۇدب-مەن سەرىكتەستىكتە ىسكە اسىرىلۋدا، - دەپ حابارلايدى Aqshamnews.kz.
كەلىسىم اياسىندا بۇۇدب جالپى سوماسى 2 ملن اقش دوللارىنا جۋىق گرانتتىق قارجىلاندىرۋ بولەدى. قاراجات جەرگىلىكتى جانە شەتەلدىك مامانداردى تارتا وتىرىپ، پيلوتتىق جوبالارىندى عىلىمي سۇيەمەلدەۋگە، سونداي-اق باعدارلامانى ىسكە اسىرۋعا وپەراتور مەن شارۋالاردىڭ شىعىستارىن وتەۋگە جۇمسالادى.
بۇۇدب-مەن سەرىكتەستىك بۇرشاق جانە كوپجىلدىق شوپتەردى، سونىڭ ىشىندە جاسىمىق پەن جوڭىشقانى ءوسىرۋ ءۇشىن اۋىل شارۋاشىلىعى وندىرۋشىلەرىن ءۇش جىل مەرزىمگە فورۆاردتىق قارجىلاندىرۋدى كوزدەيدى. ءوز كەزەگىندە، فەرمەرلەر زاماناۋي اگروتەحنولوگيالاردى قولدانادى، اۋىسپالى ەگىستەردى ساقتايدى جانە ەگىس القاپتارىن ءارتاراپتاندىرادى.
«مەملەكەتتىك ينستيتۋتتار مەن حالىقارالىق ارىپتەستەردىڭ كۇش-جىگەرىن بىرىكتىرە وتىرىپ، ءبىز قازاقستاننىڭ ازىق-تۇلىك قاۋىپسىزدىگىن نىعايتۋعا جانە فەرمەرلەردى ەكولوگيالىق جانە قارجىلىق تۇراقتى ەگىنشىلىك تاجىريبەسىنە كوشۋدە قولداۋعا تىرىسامىز»، - دەپ اتاپ ءوتتى بۇۇدب-نىڭ قازاقستانداعى تۇراقتى وكىلى كاتارجينا ۆاۆەرنيا.
جوبانى ىسكە اسىرۋ سولتۇستىك قازاقستاندا وسىرۋگە قولايلى داقىلداردى جانە اگروونىمدەردى ودان ءارى وتكىزۋ ءۇشىن وڭتايلى ەكسپورتتىق نارىقتاردى ايقىنداۋ ءۇشىن عىلىمي جانە ماركەتينگتىك زەرتتەۋلەر جۇرگىزۋدى كوزدەيدى. جوباعا قاتىساتىن ءاربىر شارۋاشىلىق حالىقارالىق جانە قازاقستاندىق عالىمداردىڭ ۇسىنىمدارىمەن سۇيەمەلدەنەدى.
«قازاقستان ورتالىق ازياداعى وسى باعدارلاماعا قوسىلعان العاشقى ەل. الەۋەتتى سەرىكتەستەردى قاراۋ بارىسىندا بۇۇدب اۋىل شارۋاشىلىعى وندىرۋشىلەرىن قارجىلاندىرۋ مەن سۇيەمەلدەۋدىڭ پراكتيكالىق تاجىريبەسىن ەسكەردى. ازىق-تۇلىك كەلىسىمشارت كورپوراسياسى اگرووندىرىستى جۇرگىزۋدە قاجەتتى قۇزىرەتتەرگە يە بولعاندىقتان، شەشىم ۇلتتىق وپەراتوردىڭ پايداسىنا قابىلداندى»، - دەدى «ازىق-تۇلىك كەلىسىمشارت كورپوراسياسى» باسقارما ءتوراعاسى اسىلحان دجۋۆاشيەۆ.
ونىڭ ايتۋىنشا، بۇۇدب-مەن بىرلەسكەن جۇمىس ەگىس القاپتارىن ءارتاراپتاندىرۋعا جانە قازاقستاندا اگروبيزنەستى ىنتالاندىرۋدىڭ جاڭا تەتىكتەرىن ەنگىزۋگە ىقپال ەتەدى.