مەملەكەتتىك ورگانداردىڭ وكىلدەرى وقيعانىڭ ءمان-جايىن تەرگەۋ ءۇشىن قازاقستانعا شۇعىل كەلدى، دەپ حابارلايدى aqshamnews.kz.
– ازەربايجان رەسپۋبليكاسىنىڭ پرەزيدەنتى يلحام الييەۆتىڭ تاپسىرماسى بويىنشا سيفرلىق دامۋ جانە كولىك ءمينيسترى، توتەنشە جاعدايلار ءمينيسترى، باس پروكۋروردىڭ ورىنباسارى، دەنساۋلىق ساقتاۋ ءمينيسترىنىڭ ورىنباسارى، مەملەكەتتىك ازاماتتىق اۆياسيا اگەنتتىگى ديرەكتورىنىڭ ورىنباسارى، AZAL ۆيسە-پرەزيدەنتى مەن باسقا دا ءتيىستى مەملەكەتتىك ورگانداردىڭ وكىلدەرى وقيعا ورنىندا تەرگەۋ جۇمىستارىن جۇرگىزۋ ءۇشىن قازاقستاننىڭ اقتاۋ قالاسىنا اتتاندى، – دەپ جازعان ەدى Azertag.
بۇگىن باكۋ-گروزنىي باعىتى بويىنشا J2-8243 ءنومىرلى رەيسىن ورىنداعان Embraer 190 ۇشاعى اقتاۋ قالاسىنان 3 شاقىرىم جەردە اپاتقا ۇشىراعان ەدى.
قازىرگى ۋاقىتتا قۇتقارۋ جۇمىستارىنا 700-دەن اسا جەكە قۇرام مەن 82 تەحنيكا جۇمىلدىرىلعان. 29 ادام اۋرۋحاناعا جەتكىزىلسە، ونىڭ 2-ەۋى بالا ەكەنى انىقتالدى.