ءازىربايجان رەسپۋبليكاسىنىڭ پرەمەر-مينيسترى ءالي اسادوۆ قازاقستاننىڭ باكۋدە ورنالاسقان ەلشىلىگىنە بارىپ، ۇشاق اپاتىنا بايلانىستى كوڭىل ايتۋ كىتابىنا جازبا قالدىردى.
باۋىرلاس ەلدىڭ ۇكىمەت باسشىسى: «ەلدەرىمىز ءۇشىن وسى اۋىر جانە قايعىلى ساتتە ۇكىمەتتىڭ جەدەل رەاكسياسىن، قازاقستاننىڭ ءارتۇرلى مەملەكەتتىك ورگاندارىنىڭ جىلدام جانە جان-جاقتى قولداۋىن، باۋىرلاس قازاقستان حالقىنىڭ جاناشىرلىعىن جوعارى باعالايمىن جانە ۇلكەن العىسىمدى بىلدىرەمىن. ءازىربايجان ۇكىمەتى دە ءوز كەزەگىندە بۇل وقيعانىڭ سالدارىن جويۋ ءۇشىن بارلىق كۇش-جىگەرىن جۇمىلدىردى جانە بۇدان بىلاي دا جان-جاقتى قولداۋ كورسەتەتىن بولادى»،-دەپ ەستەلىك قالدىردى.
ال قازاقستاننىڭ ءازىربايجانداعى ەلشىسى ءالىم بايەلدىڭ ايتۋىنشا، بۇل جاعداي قازاقستان مەن ازەربايجاننىڭ سوزبەن ەمەس، ءىس جۇزىندە وداقتاس ەكەنىن كورسەتتى. ىنتىماقتاستىقتىڭ مۇنداي جوعارى دەڭگەيى باۋىرلاس ەلدەردىڭ ءوزارا سەنىمىن ارتتىرادى،- دەدى ەلشى.