ساناۋلى ساتتەر بۇرىن حانچجوۋدا ءوتىپ جاتقان ءحىح جازعى ازيا ويىندارىندا بەسسايىستان سىنعا تۇسكەن گەورگيي بورودا-دۋدوچكين پاريج وليمپياداسىنىڭ جولداماسىن يەلەندى، دەپ حابارلايدى ق ر تۋريزم جانە سپورت مينيسترلىگى سپورتتى دامىتۋ ديرەكسياسىنىڭ باسپا ءسوز قىزمەتى.
ۇلتتىق قۇراما اتلەتى فينالدا 10-ورىنعا تۇراقتادى. ەرەجە بويىنشا ۇزدىك بەستىككە كىرگەن مەملەكەت جولداماعا يەلىك ەتەدى. گەورگيي 10-شى بولعانىمەن ول جاپونيا، وڭتۇستىك كورەيا مەن قىتايدىڭ بىرنەشە سپورتشىسىنا ەسە جىبەردى. بۇل ەلدەن تەك ءبىر عانا ادام ليسەنزيا الدى. تاعى قازاقستان مەن تايلاند اتلەتىنە ءبىر-بىر جولداما بەرىلدى.
قالعان قازاقستاندىق سپورتشىلاردىڭ ناتيجەسى: كيريلل ستادنيك 13-ورىن، پاۆەل لياشەنكو 16-ورىن، تەمىرلان ابدرايموۆ 17-ورىن. جالپى ەسەپتە قازاقستان قۇراماسى 4-ساتىدا.