ءۇندىستاننىڭ دەلي، كەرالا جانە مۋمباي سەكىلدى ءىرى قالالارىندا دارىگەرلەر دابىل قاعا باستادى، دەپ حابارلايدى aqshamnews.kz gulfnews.com-عا سىلتەمە جاساپ.
كوۆيد ءۇندىستاننىڭ قالالىق ايماقتارىندا بىرتىندەپ جاندانىپ، دەلي، كارناتاكا جانە مۋمباي سياقتى شتاتتار مەن وداق اۋماقتارىنداعى اۋرۋحانالار جوعارى دايىندىق جاعدايىنا كوشىرىلدى. سەبەبى، وسى ايدا دەلي، ماحاراشترا، كەرالا، تاميل نادۋ جانە كارناتاكا شتاتتارىندا جاڭا جاعدايلار تىركەلگەن. كوبىندە اۋرۋ بەلگىلەرى جەڭىل ءوتىپ جاتىر. دەسە دە اۋرۋحانالار ناۋقاستاردى قابىلداۋعا جوعارى دايىندىقتا وتىر.
ناۋقاستاردىڭ دەنىندە JN.1 شتامى انىقتالىپ وتىر. ءقازىر ىندەت ازيانىڭ وزگە ەلدەرىندە تەز تارالىپ جاتىر. تايلاندتا وتكەن اپتادا 16 مىڭ ادام مەديسينالىق كومەككە جۇگىنگەن. سينگاپۋردە ناۋقاستاردىڭ جاعدايى اسقىنىپ، ۇشتەن ءبىرىن اۋرۋحاناعا جاتقىزۋعا تۋرا كەلدى. ال گونكونگتا ۆيرۋستان 30 ادام كوز جۇمعان.
وڭتۇستىك ازياداعى ينفەكسيا Omicron-نىڭ قوسالقى نۇسقاسى بولىپ تابىلاتىن JN.1-مەن بايلانىستى بولۋى مۇمكىن.