الماتىدا باستالۋىنا ەكى كۇن قالعان «ازيا داۋىسى» فەستيۆالىنە دايىندىق ءجۇرىپ جاتىر!
بۇگىنگى كۇننىڭ باستى وقيعاسى – Almaty Gallery (ينستاگرام: @almaty.gallery) قابىرعاسىندا ساعات 16-00-دە اشىلاتىن «ازيا داۋىسى. جاڭعىرۋ...» كورمەسى. كورمە وتە قىزىقتى! ەكسپوزيسيادا «ازيا داۋىسى» قوعامدىق قورىنان الىنعان تاماشا فوتوسۋرەتتەر مەن باي مۇراعات، فەستيۆالدىڭ نەگىزىن قالاۋشىلاردىڭ ءبىرى مۇرات ەرعالييەۆتىڭ سيرەك كەزدەسەتىن بۇيىمدارى، سونداي-اق فەستيۆالدى جاڭعىرتۋعا ارنالعان 200-دەن استام بالالار شىعارماشىلىعى ۇسىنىلعان. ەكسپوزيسيادا ءالى دە كوپتەگەن قىزىقتى نارسەلەر بار. وتكىزىپ الماڭىزدار!
مەدەۋدە ساحنانىڭ قۇرىلىسى اياقتالدى. وندا بۇگىن بالالار فلەشموبىنىڭ رەپەتيسياسى وتەدى. ساحنانىڭ ديزاينى ەرەكشە - ول فەستيۆالدىڭ باستى سيمۆولى - تامبالى پەتروگليفتەرىندە بەينەلەنگەن كۇن باستى ماقۇلىقتى ۇقساتاتىن بولادى. ال رەسپۋبليكا سارايىندا ارتىستەر الەكساندر بەلياكوۆتىڭ جەتەكشىلىگىندەگى ەسترادالىق-سيمفونيالىق وركەسترمەن جاتتىعۋدا.
قازاق كومپوزيتورى، انشى-كومپوزيتور ەركەش شاكەيەۆ: «ازيا داۋىسىن جاڭعىرتۋ – وتە ماڭىزدى جانە كۇردەلى شارۋا! مەن بۇل تۋرالى ەستىگەندە ءوزىم دە ۋايىمداپ كەتتىم. ەندى ءبارى جاقسى بولعانىن قالايمىن! كوپ نارسە بىزگە – اۋديتورياعا بايلانىستى! ەگەر ستاديون بوس بولسا، كۇش-جىگەرىڭ قۇم بولادى. بيىل كونكۋرس بولماسا دا، ازيا داۋىسى جاقسى شىعارماشىلىق قۋات الىپ، قانشا قيىن بولسا دا، ورىندالمايتىن نارسە جوق ەكەنىن دالەلدەدى. مەن مىناداي وركەسترمەن قۋانا ونەر كورسەتەمىن. مەدەۋدەگى وركەستردىڭ ءۇنى كەرەمەت! لوندون كورولدىك فيلارمونياسىنىڭ باسقارۋشى ديرەكتورى دجەيمس ۋيليامس ماعان قوناققا كەلىپ، مەدەۋدى كورگەندە: «ەندى مەن وسىندا ويناۋدى ارماندايمىن!» - دەدى. بۇل بارلىق ماعىنادا تاماشا ءتيىمدى يدەيا!».
بەلگىلى گيتاريست ءارى كومپوزيتور، «دارا» توبىنىڭ نەگىزىن قالاۋشى مۇحتار ءسۇنناتوۆ: «تالاي تالانتتى ونەرپازداردى باۋراپ العان «ازيا داۋىسى» حالىقارالىق بايقاۋىنىڭ قايتا ورالعانىنا قاتتى قۋاندىم! وندا مەن توپ قۇرامىندا جانە جەكەلەي ەكى مارتە ديپلومانت بولعانمىن. فەستيۆال قانشاما تالانتتى جاستى بىرىكتىردى، شابىتتاندىردى».
كورەرمەندەردى ساحنادا جۇلدىزداردىڭ ونەر كورسەتۋىنەن باسقا، كوپتەگەن قىزىقتى ويىندار كۇتۋدە. قازاقستانداعى جەتەكشى موبيلوگراف، ازيا داۋىسى امباسسادورى قىران تالاپبەكتىڭ جەتەكشىلىگىمەن موبيلوگرافتار بايقاۋى وتپەك.
جەڭىمپازدارعا IPhone 14 Pro Max، IPhone 14، Apple Watch سىندى باعالى سىيلىقتار بۇيىرادى.
قاتىسۋ ەرەجەلەرى:
- فەستيۆالدىڭ كەز كەلگەن كۇنىندە كونسەرتتىڭ ۆيدەوسىن ءتۇسىرۋ (ۇشەۋىنەن دە تۇسىرۋگە بولادى)؛
- ۆيدەونى 30 شىلدە، ساعات 19:00-گە دەيىن ءوز Instagram پاراقشاسىنا جاريالاۋ؛
- @armanzhan @kyran_talapbek @voice_of_asia_official اككاۋنتتارىن بەلگىلەۋ؛
- #كونكۋرس_موبيلوگرافوۆ_ازياداۋىسى2023 حەشتەگىن قويۋ؛
جەڭىمپازدار 30 شىلدەدە وتەتىن «ازيا داۋىسى اڭىزدارى» كونسەرتىندە بەلگىلى بولادى.
سونداي-اق، 30 شىلدەدە وتەتىن كونسەرتكە بيلەت ساتىپ العاندار اراسىندا Chevrolet Onix اۆتوكولىگىنىڭ ۇتىس ويىنى وتەدى. Allur Auto ۇسىنعان بۇل كەرەمەت سىيلىق كەلۋشىلەرگە تاڭعاجايىپ ەموسيالاردى باستان كەشىرىپ، اۆتوكولىككە يە بولۋ مۇمكىندىگىن سىيلايدى.
الماتى قالاسىنىڭ اكىمدىگى كورەرمەندەردىڭ مەدەۋگە وڭاي جەتىپ، قالاعا جىلدام ورالۋىن قامتاماسىز ەتتى. فەستيۆال كەزىندە قوسىمشا اۆتوبۋس باعىتى ىسكە قوسىلماق. ساتبايەۆ پەن بايتۇرسىنوۆ قيىلىسىنان اۆتوبۋستار ساعات 14:00-دەن 24:00-گە دەيىن 10-15 مينۋت ارالىقپەن جۇرەتىن بولادى. ءبىر باعىتقا ءجۇرۋ قۇنى 150 تەڭگە.
فەستيۆال دەمەۋشىلىك پەن اقپاراتتىق قولداۋدىڭ ارقاسىندا مۇمكىن بولعانىن ەستەرىڭىزگە سالامىز! Halyk Bank «ازيا داۋىسى-2023» فەستيۆالىنىڭ باس سەرىكتەسى جانە تەڭ ۇيىمداستىرۋشىسى بولىپ تابىلادى. «قازاقستان حالىق بانكى» اق باسقارما ءتوراعاسىنىڭ ورىنباسارى داۋرەن سارتايەۆتىڭ ايتۋىنشا، Halyk بانك كليەنتتەرى مەن قوناقتارىنا فەستيۆال كۇندەرى باعالى سىيلىقتارعا باي كوپتەگەن ءىس-شارالار دايىنداعان. «ازيا داۋىسىنىڭ بولاشاعى زور دەپ سەنەمىز. بيىل فەستيۆال جاقسى رەستارتپەن ورالماق. مۋزىكا مەرەكەسى وڭتۇستىك استانا تۇرعىندارى ءۇشىن عانا ەمەس، سونىمەن قاتار الەمنىڭ تۇكپىر-تۇكپىرىنەن كەلەتىن تۋريستەر ءۇشىن جىل سايىنعى تارتۋ بولادى»، - دەپ تۇيىندەدى ول.
رەسمي تەلەارنا: Silk Way
رەسمي گازەتتەر: «Almaty aqshamy» مەن «ۆەچەرنيي الماتى»
اقپاراتتىق قولداۋ: «1 كانال «ەۆرازيا»، «نتك»، MUZZONE TV، Business FM، RadioCitۋ، «دەلوۆوي كازاحستان»، «قالا مەن دالا»، «نوۆوە پوكولەنيە»، «موسكوۆسكيي كومسومولەس»، Forbes.kz، Zakon.kz، Caravan.kz، Kursiv.media، Nege.kz، Arbat.media، Informburo.kz، Baigenews.kz، Zhatpa.kz، Weproject.media، DALA INSIDE تەلەگرامى، تۇركىتىلدەس جۋرناليستەر قورى مەن «قازاقستاندىق پرەسس-كلۋب».
