يوردانيا استاناسى اممان قالاسىندا ءوتىپ جاتقان ازيا چەمپيوناتىندا ەركىن كۇرەستەن ەلىمىزدىڭ 15 جاسقا دەيىنگى جاسوسپىرىمدەر قۇراماسىنان ەكى بالۋان فينالعا شىقتى.
12 شىلدەدەن باستاپ كۇرەس تۇرلەرىنەن 15 جانە 20 جاسقا دەيىنگى جاسوسپىرىمدەر مەن جاستار اراسىندا ازيا چەمپيوناتى ءوتىپ جاتىر، دەپ حابارلايدى Almaty-akshamy.kz
جارىستىڭ ءۇشىنشى كۇنىندە ەركىن كۇرەستەن 15 جاسقا دەيىنگى جاسوسپىرىمدەر سىنعا ءتۇستى. ولاردىڭ اراسىنان ەقازاقستاندىق ەكى بالۋان فينالعا جولداما الدى.
ەل قۇراماسىنان سايات ءابدۋالي (44 كەلى) مەن بەكاسىل اسامبەك (52 كەلى) قارسىلاس شاق كەلتىرگەن جوق.
«ەندى ولار ەلوردا ۋاقىتىمەن 21:00-دە باستالاتىن فينالدىق بەلدەسۋدە باس جۇلدەنى ساراپقا سالادى. سايات ءابدۋالي يراندىق كەيۆان ارشادگاسابسارايمەن كەزدەسسە، بەكاسىل اسامبەك جاپون تايگا حيبارينومەن كۇش سىناسادى»، - دەدى قازاقستان كۇرەس فەدەراسياسى باسپا ءسوز قىزمەتىنىڭ جەتەكشىسى اسپانديار ەسەنجولوۆ.