يوردانيا استاناسى اممان قالاسىندا ءوتىپ جاتقان ايەلدەر كۇرەسىنەن 20 جاسقا دەيىنگى جاستار اراسىنداعى ازيا چەمپيوناتىندا ءۇش قازاقستاندىق جۇلدەگەرلەر قاتارىنان كورىندى، دەپ حابارلايدى Almaty-akshamy.kz قازاقپاراتقا سىلتەمە جاساپ.
12 شىلدەدەن باستاپ كۇرەس تۇرلەرىنەن 15 جانە 20 جاسقا دەيىنگى جاسوسپىرىمدەر مەن جاستار اراسىندا ازيا چەمپيوناتى ءوتىپ جاتىر.
جارىستىڭ التىنشى كۇنىندە ايەلدەر كۇرەسىنەن 20 جاسقا دەيىنگى جاستار 5 سالماق دارەجەسىندە سىنعا ءتۇستى. بارلىعى قولا جۇلدەنى قورجىنعا سالدى. ولاردىڭ قاتارىندا لاۋرا عاني قىزى (50 كەلى) زەينەپ بايانوۆا (55 كەلى)، جىبەكجان سابىرجانوۆا (68 كەلى) بار.
ال ءمادينا امان (59 كەلى) مەن ارايلىم التىنبەك (76 كەلى) قولا جۇلدە ءۇشىن سايىستا قارسىلاستارىنا ەسە جىبەرىپ قويدى.
بۇگىن، 18 شىلدەدە ايەلدەر كۇرەسىنەن 53، 57، 62، 65 جانە 72 كەلىدە جۇلدەلەر ساراپقا سالىنادى.