تامىز ايى باستالعاننان اتا-انالار جاڭا وقۋ جىلىنا دايىندىققا قىزۋ كىرىسىپ كەتەدى. وقۋشىنىڭ مەكتەپ فورماسى، وقۋ قۇرالدارى، سپورتتىق كيىمى، سومكەسى، اياق كيىمى، قىسقاسى، بۇل ناۋقاندا قالتانى ءبىراز قاعۋعا تۋرا كەلەدى. ارينە، بالاسى ءۇشىن ەش اتا-انا ايانىپ قالماسى انىق. بارىن سالىپ، بالاسىن ەشكىمنەن كەم قىلماۋعا ارەكەت ەتەدى. دەگەنمەن، كەيدە قۋ تىرشىلىك قوس بۇيىردەن قىسقاندا شاراسىز كۇيگە ءتۇسىپ، بالاسىن مەكتەپكە دايىنداي الماي قينالاتىن جاعدايلار دا ءجيى كەزدەسەدى.
وسىنداي كەلەڭسىزدىكتىڭ الدىن الۋ ماقساتىندا ەلىمىزدە ءبىراز جىلدان بەرى «مەكتەپكە جول» اكسياسى تالاي بالاعا قۋانىش سىيلاپ كەلەدى.
وتكەن وقۋ جىلىندا وسى اكسيانىڭ اياسىندا مەكتەبىمىزدەگى 42 بالانىڭ مەكتەپكە دايىندىعىنا 400 مىڭ تەڭگە كولەمىندە قولداۋ كورسەتىلىپ، قاجەتتى قۇرال-جابدىقتار مەن كيىمدەر ۇلەستىرىلگەن بولاتىن. بيىل دا رەسپۋبليكالىق «مەكتەپكە جول» اكسياسىنا بارلىق دەڭگەيدەگى مەكەمە باسشىلارى، اۋدان اكىمدەرى، كاسىپكەر ازاماتتار، مەملەكەتتىك قىزمەتكەرلەر، ۇكىمەتتىك ەمەس ۇيىمدار، اۋدان تۇرعىندارى اتسالىسۋدا. اتالمىش شاراعا مەكتەبىمىزدىڭ ۇستازدارىمەن قاتار، شاعىن كاسىپكەرلەر دە بەلسەنە قاتىستى. اتاپ ايتقاندا، مەكتەپ ۇجىمىنىڭ دەمەۋشىلىگىمەن 10 وقۋشىعا مەكتەپ قۇرالدارى تاراتىلسا، الماتى قالالىق ءماسليحاتىنىڭ دەپۋتاتى دۋلات تاستەكەي 6 وقۋشىعا مەكتەپ فورماسى مەن وقۋ قۇرالدارىن تارتۋ ەتىپ، ازاماتتىق تانىتتى. سونداي-اق، جەتىسۋ اۋدانىنىڭ اكىمشىلىگىنىڭ دەمەۋشىلىگىنىڭ ارقاسىندا 20 وقۋشىعا «Glasman» تىگىن فابريكاسىنىڭ 50 000 تەڭگەلىك سەرتيفيكاتى جانە وقۋ قۇرالدارى سالىنعان سومكەلەر سىيعا تارتىلدى. «مەكتەپكە جول» اكسياسى اياسىندا “Novotel Almaty City Center” ءقوناقۇيىنىڭ اكىمشىلىگى مەكتەبىمىزدىڭ كوپبالالى وتباسىلارىنان شىققان 10 وقۋشىعا (5-8 سىنىپ) كەڭسە تاۋارلارى سالىنعان ريۋگزاكتار سىيعا تارتىلدى. بالالارىمىزعا قۋانىش سىيلاعان ابزال جاندارعا مەكتەپ ۇجىمى اتىنان زور العىسىمىزدى بىلدىرەمىز!
وسىنداي قوعام الدىنداعى جاۋاپكەرشىلىكتى جۇرەگىمەن سەزىنە بىلەتىن ءاربىر ادام قايىرىمدىلىق شاراسىنان شەت قالمايتىنى بەلگىلى.
قورىتا ايتقاندا، ءبىز قايىرىمدىلىق ىس-ارەكەتتەرىمىزبەن تەك بالالاردىڭ عانا ەمەس، بۇكىل قوعامنىڭ بولاشاعىن جارقىن ەتۋگە اتسالىسامىز. ءاربىر بالا ومىرگە مەيىرىم مەن ماحابباتقا تولى كوزقاراسپەن قاراۋعا لايىق.