بۇل تۋرالى «ۇلتتىق اقپاراتتىق تەحنولوگيالار» اق قوعاممەن بايلانىس ءبولىمى مالىمدەدى.
حابارلاما eGov ءموبيلدى قوسىمشاسىنداعى پايدالانۋشىنىڭ جەكە كابينەتىنە جىبەرىلەدى، دەپ حابارلايدى Almaty-akshamy.kz
«جىل سايىن قازاقستاندا مىڭنان استام اقپاراتتىق جۇيە حاكەرلەردىڭ شابۋىلىنا ۇشىرايدى، ونىڭ ىشىندە مەملەكەتتىك ورگاندار دا بار. ەندى eGov ءموبيلدى قوسىمشاسى ارقىلى حاكەرلەر مەن الاياقتاردىڭ قولىندا قانداي دەرەكتەر بار ەكەنىن باقىلاۋعا بولادى»، - دەپ حابارلادى «ۇلتتىق اقپاراتتىق تەحنولوگيالار» اق.
بۇل باستامانى ءقازىر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىنىڭ اقپاراتتىق قاۋىپسىزدىك كوميتەتى، كيبەرشابۋىلداردى تالداۋ جانە تەرگەۋ ورتالىعى «زەردە» حولدينگىمەن بىرلەسىپ ازىرلەۋدە.
اق مالىمەتىنشە، سايتتاردا جەكە دەرەكتەردى زاڭسىز جيناۋ جانە سىرتقا شىعارۋ فاكتىلەرى انىقتالعان جاعدايدا eGov ءموبيلدى قوسىمشاسىنداعى پايدالانۋشىنىڭ جەكە كابينەتىنە حابارلاما جىبەرىلەدى.
جوبا 2022 جىلدىڭ سوڭىندا ىسكە قوسىلادى دەپ كۇتىلۋدە.
«قازاقستاندىقتار حاكەرلەرلىك توپتار، الاياقتار نەمەسە ولاردىڭ باسەكەلەستەرى جەكە دەرەكتەردى قانشالىقتى ارام پيعىلمەن پايدالانا الاتىنىن تۇسىنبەيدى. ءبىزدىڭ ماقساتىمىز - پايدالانۋشىلاردى مۇمكىندىگىنشە قورعاۋ ءۇشىن eGov ءموبيلدى قوسىمشاسى ارقىلى ولاردىڭ قۇپيا سوزدەرى مەن دەرەكتەرىنىڭ تارالىپ كەتكەنى تۋرالى حاباردار ەتۋ جانە ەسكەرتۋ، العا قويىلعان مىندەتتى بىرلەسىپ شەشۋ كەرەك»، - دەدى ۇات اق باسقارما ءتوراعاسى روستيسلاۆ كونياشكين.
«ۇلتتىق اقپاراتتىق تەحنولوگيالار» اق «ەلەكتروندىق ۇكىمەتتىڭ» ينفوكوممۋنيكاسيالىق ينفراقۇرىلىمىنىڭ جانە مەملەكەتتىك ورگانداردىڭ ءبىرىڭعاي كولىك جۇيەسى وپەراتورى بولىپ تابىلادى، سونداي-اق ورتالىق جانە وڭىرلىك مەملەكەتتىك ورگانداردىڭ اقپاراتتىق جۇيەلەرىنە تەحنيكالىق قىزمەت كورسەتۋدى قامتاماسىز ەتەدى.