ەركىن كۇرەستەن ەل قورجىنىنا العاشقى التىن مەدال ءتۇستى
قازاقستاندىق ەركىن كۇرەس بالۋانى ازامات داۋلەتبەكوۆ موڭعوليادا ءوتىپ جاتقان ازيا چەمپيوناتىندا توپ جاردى، دەپ حابارلايدى Almaty-akshamy.kz Olympic.kz-كە سىلتەمە جاساپ.
86 كەلىگە دەيىنگى سالماق دارەجەسىندە سىنعا تۇسكەن ول فينالدا ءۇندىستان كومانداسىنىڭ وكىلى، 2019 جىلعى الەم چەمپيوناتىنىڭ كۇمىس جۇلدەگەرى ديپاك پۋنيانى 6:1 ەسەبىمەن ۇتتى.
بۇل - بيىلعى قۇرلىقتىق دودادا ەركىن كۇرەستەن ەل قورجىنىنداعى العاشقى التىن مەدال.
ەسكە سالا كەتسەك، كەشە راحات قالجان كۇمىس، ال تالعات سىرباز بەن مامەد يبراگيموۆ قولا جۇلدەلەرگە قول جەتكىزگەن بولاتىن.