Almaty-akshamy.kz سايتىنىڭ 16 قاڭتارداعى جاڭالىقتارىنا شولۋ
الماتىدا ءدامحانا ورتەندى
الماتى قالالىق توتەنشە جاعدايلار دەپارتامەنتىنىڭ مالىمەتى بويىنشا، ءورت سوندىرۋشىلەر كەلگەن ساتتە «تاۋفيك» ءدامحاناسىنىڭ شاتىرى جانىپ جاتقان. جانىپ جاتقان عيماراتتان 7 گاز باللونى سىرتقا شىعارىلدى. اۆتوسيستەرنالاردان ءورت وقپاندارى دەرەۋ ەنگىزىلىپ ورتكە قارسى گيدرانتتارىنا ورناتىلدى، سۋدىڭ ۇزدىكسىز بەرىلدى. 150 شارشى مەتر جەردى شارپىعان جالىندى ءوشىرۋ ءۇشىن 30 ادام، 10 تەحنيكا تارتىلدى.
500 تەڭگەلىك اۆتوتۇراق
بۇگىن الماتى اۋەجايى اۆتوتۇراق ءتاريفىن كوتەرگەنى تۋرالى اقپارات تارادى. ەندى اۋە ايلاعىنا كۇنىنە ەكى رەتتەن كوپ ەمەس 15 مينۋتقا تەگىن كىرە الاسىز. مۇنان باسقا شلاگباۋمنان ءاربىر وتكەنىڭىز ءۇشىن اقى تولەيتىن بولاسىز. سونىمەن:
15 مينۋتتان 1 ساعاتقا دەيىن – 500 تەڭگە؛
1 ساعاتتان 2 ساعاتقا دەيىن – 700 تەڭگە؛
2 ساعاتتان 4 ساعاتقا دەيىن – 1000 تەڭگە؛
4 ساعاتتان 6 ساعاتقا دەيىن – 1500 تەڭگە؛
6 ساعاتتان 12 ساعاتقا دەيىن – 2400 تەڭگە؛
12-دەن 24 ساعاتقا دەيىن – 3500 تەڭگە؛
24 ساعاتتان استام، كەيىنگى تولىق جانە ءىشىنارا كۇندەرگە – 5 000 تەڭگە.
«قازاقستان حالقىنا» اقشانى كىم بەرەدى؟
قوردىڭ رەسۋرستارى قايىرىمدىلىق جارنالارى ەسەبىنەن قالىپتاستىرىلدى. قازىرگى ۋاقىتتا قورعا 196،6 ملرد تەڭگە تۇسكەن. ونىڭ ىشىندە 2 جىل ىشىندە قور جالپى سوماسى 90،9 ملرد تەڭگەگە قايىرىمدىلىق كومەك كورسەتتى.
131 ملرد تەڭگەنى 60 قازاقستاندىق كومپانيا، 20 ملرد تەڭگەدەن ءسال استام سومانى «سامۇرىق - قازىنا» قورى اۋدارعان، ال 39 ملرد تەڭگە ءىرى دونور-جەكە تۇلعالاردان تۇسكەن. مىسالى، بىرنەشە كۇن بۇرىن ءۇش قۇرىلىس كومپانياسىنان بالالار مەن جاستارعا پروتەز جاساۋ جوباسىن ىسكە اسىرۋعا 500 ملن تەڭگە ءتۇستى.
ەلىمىزگە الەمدەگى ەڭ قىمبات پرەپارات اكەلىندى
«زولگەنسمانىڭ» نارىقتاعى باعاسى - 2 ميلليون 100 مىڭ دوللار تۇرادى. «قازاقستان حالقىنا» قورى دەنساۋلىق ساقتاۋ سالاسىندا جالپى سوماسى 103،3 ملرد تەڭگەگە 12 قايىرىمدىلىق باعدارلاماسى مەن جوباسىن ىسكە اسىرۋدا.
39 پرەپارات ساتىپ الىندى، ونىڭ 9-ى العاش رەت قازاقستاندا ساتىپ الىندى، ونىڭ ىشىندە الەمدەگى ەڭ قىمبات «زولگەنسما» پرەپاراتى بار. ساتىپ الۋدىڭ جالپى سوماسى 31،6 ملرد تەڭگەنى قۇرادى. احوندروپلازيامەن اۋىراتىن 10 بالا سۇيەكتىڭ ءوسۋىن ىقپال ەتەتىن يننوۆاسيالىق ۆوكسسوگو (ۆوسوريتيد) پرەپاراتىن قابىلداۋدى باستادى.
ايەلىنە الىمجەتتىك كورسەتكەن ءانشى
راحات تۇرلىحانوۆتى 10 كۇنگە قاماۋ تۋرالى قاۋلى زاڭدى كۇشىنە ەندى. الماتى قالالىق سوتى راحات تۇرلىحانوۆقا قاتىستى ۇرىپ-سوعۋ دەرەگى بويىنشا اكىمشىلىك قۇقىق بۇزۋشىلىق بويىنشا ءىستى قارادى. اتالعان ماتەريالدى قاراۋ بارىسىندا سوت القاسى ونىڭ بۇرىن ايەلىن بىرنەشە رەت ۇرىپ-سوققانىن ەسكەرىپ، ءبىرىنشى ساتىداعى سوتتىڭ تاعايىنداعان جازاسىمەن كەلىسپەدى. وسىلايشا قاۋلى وزگەرىپ، اكىمشىلىك قۇقىق بۇزۋشىلىق تۋرالى كودەكستىڭ 73-2-بابىنىڭ 1-1-بولىگىنە سايكەس، تۇرلىحانوۆقا قاتىستى جازا ەسكەرتۋدەن 10 تاۋلىككە قاماۋعا وزگەردى.
كۇرشىمدە توتەنشە جاعداي
7 قاڭتاردان باستاپ قار مەن بوران توقتاماي تۇرعان شىعىس قازاقستان وبلىسىنىڭ كۇرشىم اۋدانىندا تابيعي سيپاتتاعى توتەنشە جاعداي جاريالاندى. كەيبىر جەرلەردە قاردىڭ قالىڭدىعى 1.8-2 مەترگە جەتتى. مارقاكول جانە توسقايىن اۋىلدىق وكرۋگتەرىنىڭ ەلدى مەكەندەرى كولىك قاتىناسىنان اجىراتىلدى.
ەلەكتردىڭ جىرىن ايت!
ەلىمىزدە ەلەكتر تاريفتەرى قايتا قارالۋى مۇمكىن. ەنەرگەتيكا مينيسترلىگىنە شەكتى ءتاريفتى كوتەرۋ تۋرالى ءوتىنىش تۇسكەن.
«ءبىز بۇل سۇرانىستىڭ قۇرىلىمىن، كەيبىر شىعىندار تۇرلەرىن ارتتىرۋدىڭ ورىندىلىعىن زەرتتەيتىنىمىز انىق. بۇرىن ۇلعايتۋ جوندەۋ جانە رەتتەۋ جۇمىستارىنا باعىتتالعان بولاتىن ءىشىنارا جالاقىمەن. شىعىنداردى ازايتۋعا جانە ينۆەستيسيالىق باعدارلامانى جۇزەگە اسىرۋعا بايلانىستى باسقا دا شىعىندار بار ەكەنى انىق، ياعني ەگجەي-تەگجەيلى قاراستىرامىز. ءبىز ەلەكتر ەنەرگياسى ءتاريفىنىڭ كۇرت وسۋىنە جول بەرمەيتىنىمىز انىق»، دەپ سەندىردى ەنەرگەتيكا مينيسترلىگىنىڭ باسشىسى الماسادام ساتقالييەۆ.
ەرجان سادەنوۆ تىڭداپ تۇر!
بۇگىن ىشكى ىستەر ءمينيسترى Instagram پاراقشاسىندا وزىنە قالاي تىكەلەي جۇگىنۋگە بولاتىنىن ايتتى.
«اۋقىمدى ءارى جاۋاپتى ءىستى قولعا الدىق. بۇل رەتتە ەل تۇرعىندارىنىڭ كەرى بايلانىسى وتە ماڭىزدى. بۇگىنگى قوعامدا الەۋمەتتىك جەلىلەر ءتيىمدى بايلانىس قۇرالى ەكەنى ءسوزسىز. Facebook جانە Instagram الەۋمەتتىك جەلىلەرىندە جەكە پاراقشالارىمنىڭ بار ەكەنىن ەسكە سالامىن. وسى پاراقشالار ارقىلى مەنىمەن بايلانىسقا شىعۋعا بولادى. اشىق ديالوگ ورناتۋعا ءارقاشان دايىنمىن»، دەدى مينيستر.
ستاقاندا دا سىر بار...
الماتى پوليسياسى ەسىرتكى كۋرەرلەرى بەتبەلگى قويۋ ءۇشىن كوفە ستاقاندارىن پايدالاناتىنىن ايتتى.
«قاسكويلەردىڭ جالعا العان ۇيىنەن، اتاپ ايتقاندا، توڭازىتقىشتان جالپى سالماعى 2 كەلىگە جۋىق ۇنتاقتى زات سالىنعان 745 بۋما تابىلدى جانە تاركىلەندى. ۇستالعاندار قىلمىستارىن مويىنداپ، ەسىرتكىنى كوپ مولشەردە الماتى وبلىسىنىڭ ەلدى مەكەندەرىنەن العاندارىن ايتتى. كۇدىكتىلەر ءىرى كولەمدەگى ەسىرتكىنى كوفە ستاقاندارىنا جاسىرعان»، دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
كۇماندىلەر كلۋبىندا بيلەگەن مۇعالىمدەر
تۇركيادا دەمالعان ەكى قىزىلوردالىق ءمۇعالىم جۇمىستان شىقتى. شەتەل اسقان مۇعالىمدەر وزدەرىنىڭ دەمالىسىن الەۋمەتتىك جەلى ارقىلى كورسەتىپ وتىرعان. ەڭ سوراقىسى، پەداگوگتار شەتەلدە ءجۇرىپ، بىرنەشە مارتە ترانسۆيستيتتەر كلۋبىندا كوڭىل كوتەرگەن. ۇستازداردىڭ بۇل ارەكەتىن اتا - انالار الەۋمەتتىك جەلىلەر ارقىلى كورىپ، ۇستازداردىڭ مەكتەپتەن كەتۋىن تالاپ ەتكەن.
«ۇستازداردىڭ ارەكەتىن پەداگوگيكالىق كەڭەستە تالقىلادىق، جينالىسقا ادەيىلەپ تەك ايەل مۇعالىمدەردى قاتىستىرۋدى ءجون كوردىم. جينالىستان كەيىن ۇستازدار ءوز ەرىكتەرىمەن جۇمىستان كەتۋ تۋرالى ارىزدارىن جازدى. ول كىسىلەر تەك ۇستاز عانا ەمەس، سونىمەن قاتار بالا تاربيەلەپ وتىرعان انا. ارىپتەستەرىمىزدىڭ مۇنداي ارەكەتكە بارعاندارى وتە ۇيات بولدى»، دەدى مەكتەپ ديرەكتورى گۇلجاحان ناربايەۆا.