قازاقستان بانكتەرى جاۋاپ بەردى.
كليەنتتەردى تاڭداۋ كەزىندەگى ەڭ باستى شارت - ونىڭ تولەمگە قابىلەتتى بولۋى. ياعني، اۆتونەسيە راسىمدەگىسى كەلەتىن قازاقستاندىقتىڭ زەينەتاقى قورىنا سوڭعى 6 ايدا ۇزدىكسىز اۋدارىمدار جاسالۋى ءتيىس، دەپ حابارلايدى Almaty-akshamy.kz
ەكىنشىدەن، ۇمىتكەردىڭ جيىنتىق تابىسى - الىنعان جانە الىناتىن بارلىق نەسيەلەرىنىڭ كەمى 50% قۇراۋى ءتيىس.
مىسالى، نەسيە الۋشىنىڭ اي سايىنعى تابىسى 100 مىڭ تەڭگە بولسا، ونىڭ تولەيتىن بارلىق نەسيەلەرىنىڭ جيىنتىعى 50 مىڭ تەڭگەدەن اسپاۋى كەرەك. 100 مىڭ تەڭگەلىك تابىسى راستالىپ، ايىنا 30 مىڭ تەڭگە نەسيە تولەيتىن ۇمىتكەر قالعان 20 مىڭ تەڭگەگە عانا قارىز الا الادى. ال مۇنداي سومماعا اۆتونەسيە راسىمدەۋگە بولمايدى.
سوندىقتان دا بانك وكىلدەرى قازاقستاندىقتاردى قارجىلىق مۇمكىندىكتەرىن باعالاپ بارىپ قانا بانكتەرگە جۇگىنۋگە كەڭەس بەرەدى.