الماتىلىق اۆتوكولىك يەلەرى ونلاين راسىمدەگەن قۇجاتتارىن مامانداندىرىلعان حقو-عا بارماي-اق الا الادى، دەپ حابارلايدى almaty-akshamy.kz «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنا سىلتەمە جاساپ.
وسى جىلدىڭ قاڭتارىنان باستاپ الماتىلىق اۆتوكولىك يەلەرى ونلاين راسىمدەگەن قۇجاتتارىن مامانداندىرىلعان حقو-لارعا بارماي-اق الا الاتىن بولدى. ەندى الماتى قالاسى جاندوسوۆ كوشەسى، 51 مەكەنجايىندا ورنالاسقان اۋەزوۆ اۋداندىق حقو عيماراتىنىڭ 2ء-شى قاباتىندا ونلاين فورماتتا راسىمدەلگەن دايىن قۇجاتتاردى بەرۋ سەكتورى جۇمىس ىستەيدى. مۇندا “كولىك قۇرالدارىن تىركەۋ” جانە “جۇرگىزۋشى كۋالىكتەرى” بويىنشا دايىن قۇجاتتاردى الۋعا بولادى.
«قالا تۇرعىندارى ونلاين راسىمدەگەن قۇجاتتارىن الىسقا بارماي، قالا ورتالىعىنان الۋ ءۇشىن ارنايى سەكتور اشتىق. مۇندا كولىك قۇرالدارىنا قاتىستى ونلاين راسىمدەلگەن قۇجاتتاردىڭ دايىن نۇسقاسىن الادى. وسىلايشا، كولىك يەلەرى ۋاقىتىن ۇنەمدەيدى. قالا تۇرعىندارى ونىڭ قولايلىلىعىن سەزىنىپ تە جاتىر. ءبىر اي ىشىندە مۇندا 2 مىڭعا جۋىق (1787 قۇجات. ونىڭ 771ء-ى كولىك قۇرالىن مەملەكەتتىك تىركەۋ بويىنشا، 1016-سى جۇرگىزۋشى كۋالىكتەرى) اۆتوكولىك يەلەرى ءوز قۇجاتتارىن الدى»، - دەيدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالى ديرەكتورىنىڭ ورىنباسارى ايناش اۋباكيروۆا.
دايىن قۇجاتتاردى بەرۋ سەكتورى دۇيسەنبى مەن جۇما ارالىعىندا تاڭعى 9:00-دەن 18:00-گە دەيىن ءۇزىلىسسىز جۇمىس ىستەيدى.
الماتى فيليالىنىڭ اۆتوكولىك يەلەرىنە جاساعان جاعدايلارى تەك بۇل عانا ەمەس. "AllurAuto"، "حيۋنداي"، "Mycar" "Aster auto" "Chanqan» سياقتى 9 اۆتوسالوندا اۆتوحقو ماماندارى كولىك قۇرالدارىن مەملەكەتتىك تىركەۋ بويىنشا قۇجاتتاردى قابىلداپ وتىر.
ەستەرىڭىزگە سالا كەتسەك، الماتى قالاسىندا اۆتوكولىك يەلەرىنە ارنالعان 4 مامانداندىرىلعان حقو جۇمىس ىستەيدى. ولار:
№ 1 مامانداندىرىلعان حقو - الاتاۋ اۋدانى، سايالى ش/ا، اققاينار كوشەسى، 1
№ 2 مامانداندىرىلعان حقو - تۇركسىب اۋدانى، ب. مايلين كوشەسى، 240ا
№ 5 مامانداندىرىلعان حقو، تۇركسىب اۋدانى، قايرات ش/ا، قۇلجا تراكتىسى، 9 ك
№ 6 مامانداندىرىلعان حقو - جەتىسۋ اۋدانى، كەمەل ش/ا، اقسۋات كوشەسى، 118.
الماتى محقو-لارى جۇمىس كەستەسى دۇيسەنبىدەن جۇماعا دەيىن 9:00-دەن 18:00-گە دەيىن. (سەنبى كۇنى كەزەكشى - №1 محقو ساعات 9-دان 13.00-گە دەيىن جۇمىس ىستەيدى).
وتكەن جىلى الماتى قالاسىنىڭ مامانداندىرىلعان حالىققا قىزمەت كورسەتۋ بولىمدەرى ارقىلى 1،3 (1 280 252) ميلليونعا جۋىق مەملەكەتتىك قىزمەت كورسەتىلدى.