الماتىدا اۆتوبۋس جۇرگىزۋشىسى رۋلگە يە بولا الماي، كوپىردىڭ بەتون تىرەگىنە سوعىلىپ، سالدارىنان ءتورت جولاۋشى زارداپ شەكتى.
الماتى قالالىق پوليسيا دەپارتامەنتىنىڭ مالىمەتىنشە، جول اپاتى 5 ناۋرىز كۇنى ساعات 06:45-تە بولعان، دەپ حابارلايدى اlmaty-akshamy.kz.
«جەكە تاسىمالداۋشىعا تيەسىلى قوعامدىق كولىكتىڭ جۇرگىزۋشىسى 1966 جىلى تۋعان ازامات د.، ءسۇيىنباي داڭعىلىمەن سولتۇستىك باعىتتا كەلە جاتىپ شولوحوۆ كوشەسىنە بۇرىلار تۇستا، ءرۋلدى باسقارا الماي، كوپىردىڭ بەتون تىرەگىنە سوعىلدى. سالدارىنان ءتورت جولاۋشى جاراقات الىپ، دارىگەرلەردىڭ كومەگىنە جۇگىندى»، - دەپ حابارلادى الماتى پوليسيا دەپارتامەنتىنىڭ باسپا ءسوز قىزمەتىنەن.
جول-كولىك اپاتى بويىنشا سوتقا دەيىنگى تەرگەۋ باستالىپ، ءتيىستى ساراپتامالار تاعايىندالدى.
بۇعان دەيىن مەدەۋ اۋدانىندا بالا جەتەكتەگەن ايەلدى اۆتوبۋس قاعىپ كەتكەنىن جازعان بولاتىنبىز.