شەكتەۋلەر 12 جاستان اسقان بارلىق ازاماتتارعا قاتىستى
اۆستريا 15 قاراشادان باستاپ كوروناۆيرۋس ينفەكسياسىنان ۆاكسينا الماعان ادامدار ءۇشىن لوكداۋن ەنگىزەدى، دەپ حابارلايدى Almaty-akshamy.kz Covid-19 تارالۋىنا جول بەرمەۋ جونىندەگى ۆەدومستۆوارالىق كوميسسياسىنىڭ Telegram كانالىنا سىلتەمە جاساپ.
ەگىلمەگەن ادامدار ۇيدەن تەك سۋپەرماركەتكە، ءدارىحاناعا، مۇقتاج ادامدارعا كومەكتەسۋ ءۇشىن، جۇمىسقا، سەرۋەندەۋگە بارا الادى. شەكتەۋلەر 12 جاستان اسقان بارلىق ازاماتتارعا قاتىستى.
ۆەنا بيلىگى كوۆيدتىڭ تارالۋىنا جول بەرمەۋ ماقساتىندا شەكتەۋلەردى كۇشەيتۋدى جوسپارلاۋدا. جاپپاي سپورتتىق جانە مادەني ءىس-شارالارعا قاتىسۋ ءۇشىن ۆاكسينا العان جانە اۋرۋدان جازىلعان ادامداردا كوروناۆيرۋسقا تەرىس پتر تەست بولۋى كەرەك. مۇنداي تەست تەك 48 ساعاتقا جارامدى بولادى.