ق ر باس پروكۋراتۋراسى ەلدەگى تارتىپسىزدىكتەرگە بايلانىستى «اۋىر» جانە «اسا اۋىر» قىلمىستار بويىنشا 695 سوتقا دەيىنگى تەرگەۋدى باستادى، دەپ حابارلايدى almaty-akshamy.kz.
بۇل تۋرالى ق ر باس پروكۋرورىنىڭ اعا كومەكشىسى ازامات سارعازين ورتالىق كوممۋنيكاسيالار قىزمەتىندە وتكەن بريفينگىدە ايتتى.
«اۋىر جانە اسا اۋىر قىلمىستار بويىنشا 695 سوتقا دەيىنگى تەرگەپ-تەكسەرۋ باستالدى. ونىڭ ىشىندە 44 - تەرروريزم اكتىلەرى بويىنشا، 15 – كىسى ءولتىرۋ بويىنشا، 6 ءىس - ناسيحاتتاۋ فاكتىلەرى جانە بيلىكتى باسىپ الۋعا شاقىرۋ بويىنشا. كۇدىكتى رەتىندە 780 ادام ۇستالدى. ونىڭ 695ء-ىن سوت قاماققا الدى. بۇل ىستەردىڭ اۋىر جانە اسا اۋىر قىلمىستار ساناتىنا جاتاتىنىنا تاعى دا نازار اۋدارىعىم كەلەدى»، - دەدى باس پروكۋروردىڭ اعا كومەكشىسى.
بۇعان دەيىنگى بريفينگىلەردىڭ بىرىندە باس پروكۋراتۋرا توتەنشە جاعداي رەجيمى كەزىندە قۇقىق قورعاۋ وكىلدەرىنىڭ ارەكەتىنە بايلانىستى ەلدەگى 32 ارىز تۇسكەنىن ءمالىم ەتكەن بولاتىن.