قۇتقارۋ وپەراسياسى ءساتتى ءوتتى
تىكۇشاقتىڭ كوككە كوتەرىلۋىنە قاتتى اياز قيىندىق تۋعىزدى. سوعان قاراماستان «قازاۋەقۇتقارۋ» ۇشقىشتارى مەن ءۇشمۇو دارىگەرلەرى ءسابيدى وسكەمەندەگى انا مەن بالا ورتالىعىنا امان-ەسەن جەتكىزدى، دەپ حابارلايدى Almaty-akshamy.kz.
«قازاۋەقۇتقارۋ» مەكەمەسىنە ۇلتتىق شۇعىل مەديسينانى ۇيلەستىرۋ ورتالىعىنان 2 قاڭتاردا شاقىرتۋ كەلىپ ءتۇستى.
تارباعاتاي اۋدانى اقجار اۋىلىنداعى اۋىر حالدەگى جاڭا تۋعان نارەستەنى شۇعىل تاسىمالداۋ قاجەت بولدى.
شاقىرتۋ بويىنشا مي-8 تىكۇشاعى دەرەۋ كوككە كوتەرىلدى. بورتتا كوماندير اعلامبەكوۆ رۋسلان، كەنجەعالييەۆ ءماجيت سياقتى تاجىريبەلى ۇشقىشتار، قازاقپايەۆ اۋەلبەك، جۇمابايەۆ پەردەبەك، بەكجانوۆ ساكەن سىندى اۆياسيالىق قىزمەتكەرلەر، سونداي-اق ءۇشمۇو دارىگەرلەرى، وبلىستىڭ باس نەوناتولوگى قۋانىشپايەۆ اسحات جانە فەلدشەر اساۋبايەۆ بەك بولدى.
«قۇتقارۋشىلار بالانى شقو تارباعاتاي اۋدانى اقجار اۋىلىنان وسكەمەنگە شۇعىل جەتكىزدى. قازىرگى ۋاقىتتا جاڭا تۋعان شاقالاق انا مەن بالا ورتالىعى دارىگەرلەرىنىڭ باقىلاۋىندا»،-دەيدى «قازاۋەقۇتقارۋ» مەكەمەسىنىڭ باسپا ءسوز حاتشىسى الماز عابدۋللين.
تىكۇشاقتىڭ كوككە كوتەرىلۋىنە قاتتى اياز قيىندىق تۋعىزدى. ۇيلەسىمدى ءىس-قيمىلداردىڭ ارقاسىندا قۇتقارۋ وپەراسياسى ءساتتى ءوتتى.