اۋىر اتلەتشىمىز ەدىگە ەمبەردىنىڭ اسىعى تاعى دا الشىسىنان ءتۇستى

چەمپيوناتقا ەلىمىزدىڭ 22 سپورتشىسى قاتىسۋدا

وزبەكستاننىڭ تاشكەنت قالاسىندا جاسوسپىرىمدەر اراسىندا اۋىر اتلەتيكادان ازيا چەمپيوناتى وتۋدە، دەپ حابارلايدى Almaty-akshamy.kz  BAQ.KZ-كە سىلتەمە جاساپ.
چەمپيوناتقا الەمنىڭ 21 ەلىنەن 260-قا جۋىق اۋىر اتلەتشىلەر قاتىسىپ جاتىر. ەلىمىزدىڭ نامىسىن 22 سپورتشى قورعاۋدا.
جاسوسپىرىمدەر اراسىنداعى جارىستا 73 كەلىگە دەيىنگى سالماق دارەجەسى بويىنشا ەلوردالىق ەدىگە ەمبەردى 136 كەلى زىلتەمىردى سەرپە كوتەرۋدە كۇمىس، 173 كەلى زىلتەمىردى جۇلقا كوتەرۋدە  التىندى قانجىعالادى.
وسىلايشا، بايراقتى باسەكەدە جەرلەسىمىز ەدىگە  قوسسايىستىڭ 309   ناتيجەسىمەن ازيا چەمپيوناتىنىڭ ەڭ جوعارى كورسەتكىشى بويىنشا جاستار اراسىندا اۋىر اتلەتيكادان الەمدىك رەكورد ورناتتى.
ايتا كەتەيىك، ەدىگە 1 اي بۇرىن مەكسيكادا وتكەن جاستار اراسىنداعى الەم چەمپيوناتىندا 306 ناتيجەسىمەن رەكورد قويعان بولاتىن.
بۇعان دەيىن  17 جاسقا دەيىنگى  55 كەلى سالماق دارەجەسىندەگى وتانداستارىمىز ەراسىل ۋماروۆ 228 كگ قوسسايىستا قولا جۇلدە يەگەرى،  داريا بالابايۋك 49 كەلىگە دەيىنگى سالماق دارەجەسىندە 86 كگ زىلتەمىردى جۇلقا كوتەرۋدە كۇمىس مەدال يەگەرى اتانعان بولاتىن.
ازامات تولەگەن 150 كەلى زىلتەمىردى جۇلقا كوتەرۋدە 2 ورىن يەگەرى اتانسا،  262 كگ قوسسايىستا 3 ورىنعا يە بولدى.
ايتا كەتەيىك،  تاشكەنتتە ءوتىپ جاتقان ازيا چەمپيوناتى 25 شىلدەگە دەيىن جالعاساتىن بولادى.
سپورتشىلارىمىزدى شىن جۇرەكتەن جەڭىستەرىمەن قۇتتىقتايمىز.