وعان قوسا 8 جىلعا سپورتتان شەتتەتىلدى
سپورت اربيتراج سوتى (CAS) قازاقستاندىق اۋىر اتلەت نيجات راحيموۆتى دوپينگكە قارسى تالاپتاردى بۇزعانى ءۇشىن 8 جىلعا سپورتتان شەتتەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
Sports.kz رەسۋرسىنىڭ مالىمەتىنشە، 2021 جىلدىڭ قاڭتارىندا حالىقارالىق دوپينگ تەست اگەنتتىگى راحيموۆقا دوپينگ قولداندى دەپ ايىپ تاعىپ، ۋاقىتشا جارىسقا قاتىسۋىنا تىيىم سالعان ەدى.
سپورتشى بۇل شەشىممەن كەلىسپەي، اربيتراج سوتىنىڭ دوپينگكە قارسى بولىمشەسىنە جۇگىندى.
سوت اۋىر اتلەتتى ءتورت ءزار ۇلگىسىن اۋىستىردى دەپ تانىدى. بۇل - IWF انتيدوپينگ ەرەجەلەرىن ورەسكەل بۇزۋ بولىپ سانالادى.
نيجات راحيموۆتىڭ 2016 جىلدان 2021 جىلعا دەيىنگى جارىستاردا جەتكەن بۇكىل كورسەتكىشتەرى جويىلدى.
قازاقستاندىق اۋىر اتلەت 2016 جىلى ريو دە جانەيرودا وتكەن وليمپيادادا جەڭىپ العان التىن مەدالىنەن ايىرىلدى.
التىن مەدال قىتايلىق ليۋي سياوسزيۋنگە بەرىلەدى.